No products in the cart.
Add Kesari Weekly as a preferred source on Google
ദശാപഹാരം
നവഗ്രഹത്തടവറയില്
എത്ര രാശിചക്രങ്ങള്
മോക്ഷമാര്ഗ്ഗങ്ങള്
രാഹുവിന് വിഷനാവുകള്
ഗ്രഹചാരദോഷങ്ങള്
ദശാപഹാരങ്ങള്
ഏതുമന്ത്രമുരുക്കഴിക്കേണ്ടു ഞാന്…
ചതുരംഗക്കളങ്ങളില്
കാതോര്ക്കുന്നെത്ര കരുക്കള്
സംഭീതഭാവ മുഖങ്ങള്
ചൂതുപതയും സ്മിതങ്ങള്
വിശുദ്ധനീക്കങ്ങള്
ജന്മഹോമങ്ങള്
ഏതു മൂര്ത്തീവരം തേടിടേണ്ടു ഞാന്….
അലയാഴിത്തീരങ്ങളില്
കണ്ണുനട്ടെത്രതോണികള്
തഴുകുമോളക്കുളിര് വഴികള്
ജലാവര്ത്ത ജാഗ്രതകള്
പിന്വിളിപ്പാട്ടുകള്
വളവരക്കാഴ്ചകള്
ഏതമരത്തുഴയേന്തിടേണ്ടു ഞാന്….
ADVERTISEMENT
നിലവറച്ചുമരുകളില്
അടഞ്ഞെത്ര വാതിലുകള്
അപ്പുറത്തിണ്ണയിലാരവങ്ങള്
സാന്ത്വനസ്പര്ശങ്ങള്
ഇഹപര ശാപങ്ങള്
സ്നേഹാനുതാപങ്ങള്
ഏതു വാതില് തഴുതു നീക്കേണ്ടു ഞാന്…
വറുതിചായുമിടനെഞ്ചുകളില്
ഇഴനെയ്യുമെത്ര മൗനങ്ങള്
ഉറയൂരുമാര്ദ്രതാളങ്ങള്
ശുക്രനക്ഷത്രകാമനകള്
എത്ര ചേതനകള്
സര്ഗ്ഗവേദനകള്
ഏതുകാവ്യപ്പൊരുളണിയേണ്ടുഞാന്….!
Related Posts
Latest
