No products in the cart.
എന്റെ പപ്പി
സുവര്‍ണ്ണ മുല്ലപ്പള്ളി (പ്ലസ് വണ്‍ സയന്‍സ് ജി.എച്ച്.എസ്.എസ്. മെഡിക്കല്‍ കോളേജ് ക്യാമ്പസ് ചേവായൂര്‍)
ഉമ്മറവാതില്‍പടിയുടെ മേലെ
കാലും നീട്ടി മയങ്ങും
കണ്ണുകള്‍ രണ്ടും ചിമ്മിച്ചിമ്മി
കൂട്ടിനകത്ത് കിടക്കും
കുരച്ചുചാടിക്കള്ളന്മാരെ
വിരട്ടിയാട്ടിയകറ്റും
എന്നെ കണ്ടാല്‍ വാലാട്ടിക്കൊ-
ണ്ടടുത്ത് ചുറ്റും കൂടും
പപ്പീയെന്നൊരു വിളികേട്ടാലുട-
നടുത്ത് വന്നുകിടക്കും
തൊട്ടുതലോടാനടുത്തുനില്‍ക്കും
മുഖത്തുനോക്കും മുരളും
നീളന്‍ വടിയെന്‍ കയ്യില്‍ കണ്ടാല്‍
ഓടും ദൂരേക്കകലും
സ്‌നേഹം മാത്രം തിരിച്ചുതന്നിടു-
മിവനാണെന്‍ പ്രിയ പപ്പി.
Kesari Shop
Latest
Comments