ഭാരതത്തെ ഇസ്ലാമീകരിക്കാന്‍ സക്കീര്‍ നായിക്കിന്റെ ഒറ്റമൂലി !

പോപ്പുലര്‍ ഫ്രണ്ട് നേതാക്കള്‍ വര്‍ഷങ്ങളായി തലപുകഞ്ഞാലോചിച്ച്, അറബികളുടെ കാലുപിടിച്ച് കുറെ എണ്ണപ്പണവും സംഘടിപ്പിച്ച് സ്വപ്‌നപദ്ധതിയായി നടപ്പാക്കാന്‍ തയ്യാറാക്കിയതാണ് 2047-ല്‍ ഭാരതത്തെ ഇസ്ലാമിക രാജ്യമാക്കി മാറ്റുക എന്ന പദ്ധതി. ഇത്രയൊന്നും കഷ്ടപ്പെടാതെ വെറും മൂന്ന് ഫത്വ കൊണ്ട് നേരം ഇരുട്ടി വെളുക്കുമ്പോഴേക്കും ഈ നാടിനെ ദാറുല്‍ ഇസ്ലാമാക്കാന്‍ പറ്റുന്ന ഒരു ദിവ്യ ഒറ്റമൂലി തന്റെ കയ്യില്‍ ഉണ്ടെന്നാണ് വിവാദ ഇസ്ലാമിക വിദ്വേഷ പ്രസംഗകന്‍ സക്കീര്‍ നായിക്ക് പറയാതെ പറഞ്ഞത്. ഇന്ത്യയെ ഇസ്ലാമീകരിച്ചു കാണാന്‍ കൊതിക്കുന്നവര്‍ക്ക് എന്നും വിശ്വസ്തരായ പാകിസ്ഥാനിലെ ഒരു യൂട്യൂബര്‍ക്ക് നല്‍കിയ അഭിമുഖത്തില്‍ ഇക്കാര്യം അദ്ദേഹം വെളിപ്പെടുത്തിയിട്ടുമുണ്ട്. വിദ്വേഷ പ്രസംഗം കാരണം അകത്താകുമെന്നുകണ്ടപ്പോള്‍ മലേഷ്യയിലേക്ക് മുങ്ങി ഒളിവില്‍ കഴിയുന്ന സക്കീറിന് ഖുറാനില്‍ നിന്നാണോ ഹദീസില്‍ നിന്നാണോ അതോ ഭാരതത്തില്‍ നിന്ന് മുങ്ങി മലേഷ്യയില്‍ പൊങ്ങുന്നതിനിടയില്‍ വല്ല ഹീറാ ഗുഹയില്‍ നിന്നാണോ എന്നറിയില്ല കയ്യില്‍ കിട്ടിയ ഒറ്റമൂലിയുടെ ഒരു സാമ്പിള്‍ എങ്ങനെയെന്ന് കാട്ടിത്തരുകയാണ് യൂട്യൂബര്‍ക്കു നല്‍കിയ അഭിമുഖം വഴി അദ്ദേഹം ചെയ്തത്.

മുംബൈയിലെ അംബാനിയുടെ ആഡംബര വീടായ ‘ആന്റിലിയ’ സ്ഥിതി ചെയ്യുന്നത് വഖഫ് സ്വത്തിലാണെന്നും അതു തിരിച്ചു പിടിക്കണമെന്നുമാണ് അദ്ദേഹത്തിന്റെ പ്രഖ്യാപനം. പ്രഖ്യാപനം കേന്ദ്രവഖഫ് ബോര്‍ഡ് ചെയര്‍മാന്റെ ഫത്വയായി ഇറങ്ങണം. അതിനായി ഇസ്ലാമിസ്റ്റുകള്‍ സമ്മര്‍ദ്ദം ചെലുത്തി സക്കീറിനെ കേന്ദ്ര വഖഫ് ബോര്‍ഡിന്റെ ചെയര്‍മാനാക്കണം. പിന്നെ നേരത്തെ പറഞ്ഞ പോലെ അദ്ദേഹം മൂന്ന് ഫത്വ പുറപ്പെടുവിക്കും. ആദ്യ ഫത്വ പാര്‍ലമെന്റ് മന്ദിരവും രാഷ്ട്രപതി ഭവനും വഖഫ് സ്വത്താണെന്ന് പ്രഖ്യാപിക്കാനാണ്. ഈ ഭൂമി മുഗള ഭരണകാലത്ത് വഖഫ് ചെയ്തതാണെന്നു പറഞ്ഞാല്‍ മതി. അതോടെ മോദിക്കും ദ്രൗപദി മുര്‍മ്മുവിനും എല്ലാം പെട്ടിയും തലയിണയുമെടുത്ത് പുറത്തു പോകുകയേ വഴിയുള്ളൂ. രണ്ടാമത്തെ ഫത്വ വഴി ഭാരത സൈന്യത്തെ വഖഫ് സ്വത്താക്കി പ്രഖ്യാപിക്കും. പട്ടാളം ഇനി പച്ച യൂനിഫോം ഇടണമെന്നും മുഗള ഭരണകാലത്തെ ചട്ടമാണ് പാലിക്കേണ്ടത് എന്നും വിധിച്ചാല്‍ ജനാധിപത്യത്തിനും പടിയിറങ്ങാം. മൂന്നാമത് ദക്ഷിണ ഭാരതം വഖഫ് സ്വത്താണെന്നും ടിപ്പുവിന്റെ കാലത്തേ അതു വഖഫാക്കിയതാണെന്നുമുള്ള ഫത്വ വന്നാല്‍ ഇസ്ലാമീകരണം പൂര്‍ത്തിയായി. കോണ്‍ഗ്രസ് ഭരണകാലത്ത് കൊണ്ടുവന്ന ഈ വഖഫ് നിയമം ഭേദഗതി ചെയ്യാന്‍ ശ്രമിക്കുന്ന മോദി സര്‍ക്കാരിനെ പല്ലും നഖവും വരെ ഉപയോഗിച്ച് ചെറുക്കുമെന്ന് വാശി പിടിക്കുന്ന മാര്‍ക്‌സിസ്റ്റുകാരും കോണ്‍ഗ്രസ്സുകാരും പാകിസ്ഥാനിലെയും ബംഗ്ലാദേശിലെയും ഇസ്ലാമിക സ്വര്‍ഗരാജ്യം കണ്ട് കോരിത്തരിക്കട്ടെ.