No products in the cart.
ഇമ്രാന് ആദ്യം കേള്‍ക്കട്ടെ, സ്വന്തം നാട്ടിലെ കരച്ചില്‍
ശാകല്യൻ
കാശ്മീരിലെ മുസ്ലിം ന്യൂനപക്ഷത്തെ ഓര്‍ത്ത് കണ്ണീര്‍ വാര്‍ക്കുകയാണ് പാകിസ്ഥാന്‍ പ്രധാനമന്ത്രി ഇമ്രാന്‍ഖാന്‍. കാശ്മീരിലെ ന്യൂനപക്ഷങ്ങളോടു കാണിക്കുന്ന ഈ സ്‌നേഹത്തിന്റെ നാലിലൊരംശം ഇമ്രാന് പാകിസ്ഥാനിലെ മതന്യൂനപക്ഷങ്ങളോട് കാണിക്കുമോ? ഈ മുതലക്കണ്ണീരൊഴുക്കുന്ന ഇമ്രാന്റെ കാതിനെ തുളച്ചുകയറുന്ന ഒരു കരച്ചില്‍ പാകിസ്ഥാനിലെ നന്‍കണസാഹിബില്‍ നിന്ന് ഉയരുന്നുണ്ട്. അവിടുത്തെ ഗുരുദ്വാരയിലെ പുരോഹിതന്റെ മകന്റെ കരച്ചില്‍. തന്റെ സഹോദരിയെ തട്ടിക്കൊണ്ടുപോയി ബലം പ്രയോഗിച്ച് മതംമാറ്റി ഒരു മുസ്ലിമിനു വിവാഹം ചെയ്തു കൊ ടുത്തിരിക്കയാണെന്നും അവളെ രക്ഷിക്കണമെന്നുമുള്ള, ആ പെണ്‍ കുട്ടിയുടെ സഹോദരന്റെ കരച്ചില്‍. മതംമാറിയില്ലെങ്കില്‍ സഹോദരനെയും അച്ഛനെയും കൊല്ലുമെന്നു പറഞ്ഞാണ് പെണ്‍കുട്ടിയെ ഇസ്ലാമാക്കിയത്. സോഷ്യല്‍ മീഡിയയില്‍ വൈറലാണു ഈ കരച്ചിലിന്റെ വീഡിയോ. കാശ്മീരിലെ മുസ്ലിങ്ങളുടെ കാര്യം മോദി സര്‍ക്കാര്‍ നോക്കിക്കൊള്ളും. അവിടെ അവരുടെ വിശ്വാസത്തിനോ സുരക്ഷയ്‌ക്കോ ഒരു പ്രശ്‌നവുമില്ല. ഇമ്രാന് നോക്കേണ്ടത് പാകിസ്ഥാനിലെ ന്യൂനപക്ഷമതങ്ങളുടെ സുരക്ഷയും വിശ്വാസത്തിന്റെ രക്ഷയുമാണ്. രണ്ടു പോലീസുകാരെ പറഞ്ഞയച്ച് ആ യുവതിയെ മോചിപ്പിച്ച് അവളുടെ വീട്ടിലെത്തിക്കാന്‍ പാക് പ്രധാനമന്ത്രിയ്ക്ക് സാധിക്കില്ലേ? അതു സാധിക്കാത്ത ഇമ്രാന് കാശ്മീരിലെ മുസ്ലിങ്ങളെക്കുറിച്ച് വിലപിക്കാന്‍ എന്ത് അവകാശമാണുള്ളത്?
Kesari Shop
Latest
