No products in the cart.
സദാചാരഗുണ്ടകള്‍ക്കൊപ്പം നില്‍ക്കുന്നവര്‍
ശാകല്യന്‍
ഉത്തരേന്ത്യയില്‍ എവിടെയെങ്കിലും ന്യൂനപക്ഷമതക്കാര്‍ക്കുനേരെ ആരെങ്കിലും ഒന്നുസൂക്ഷി ച്ചുനോക്കിപ്പോയാല്‍ ബി.ജെ.പിയെ തെറിവിളിക്കുന്നവരാണ് ഇവിടുത്തെ ഇടത്-വലത് രാഷ്ട്രീയക്കാരും പത്രക്കാരും. കേരളത്തില്‍ സദാചാര പോലീസിന്റെയും വര്‍ഗ്ഗീയ കയ്യേറ്റങ്ങളുടെയും എണ്ണം കൂടിക്കൊണ്ടിരിക്കുന്നത് അവര്‍ക്ക് ഒരു പ്രശ്‌നമേയല്ല. ഇയ്യിടെ അമ്പലവയലില്‍ അയല്‍ സംസ്ഥാനക്കാരായ യുവതീയുവാക്കളെ മുഖത്തടിക്കുകയും തെരുവില്‍ കയ്യേറ്റം ചെയ്യുകയും ചെയ്തത് കോണ്‍ഗ്രസ് നേതാവായിരുന്നു. രണ്ടുദിവസം കഴിഞ്ഞ് കോഴിക്കോട് ജില്ലയിലെ ഈങ്ങാപ്പുഴയില്‍ ബൈക്കില്‍ യാത്ര ചെയ്തിരുന്ന സഹോദരീസഹോദരന്മാരെ മര്‍ദ്ദിച്ചത് മാര്‍ക്‌സിസ്റ്റ് പ്രവര്‍ത്തകനായിരുന്നു.
പാലക്കാട് ഡിഫിപ്രവര്‍ത്തകയായ യുവതിയെ മാര്‍ക്‌സിസ്റ്റ് എം.എല്‍.എ മാനസികമായി പീഡിപ്പിച്ചു എന്നത് തങ്ങളുടെ അന്വേഷണ വിഷയമേയല്ലെന്നു സംസ്ഥാന വനിതാകമ്മീഷന്‍ അദ്ധ്യക്ഷയായ സഖാവ് ജോസഫൈന്‍ പറയുന്നു. അതേസമയം അമ്പലവയലില്‍ കോണ്‍ഗ്രസ് നേതാവാണ് പ്രതി എന്നതിനാല്‍ അവിടെ സഖാവ് ആവേശത്തോടെ ഇടപെടുന്നു. ഇരയായ യുവതിയെ തേടി ഇടതു സര്‍ക്കാരിന്റെ പോലീസ് പരക്കം പായുന്നു. ഈങ്ങാപ്പുഴയില്‍ യുവതിയെ കമന്റടിക്കുകയും യുവാവിനെ മര്‍ദ്ദിക്കുകയും ചെയ്തത് സഖാവായതിനാല്‍ കേസ് ഒതുക്കിതീര്‍ക്കാനായിരുന്നു മാര്‍ക്‌സിസ്റ്റു നേതാക്കളുടെ ശ്രമം. ഇങ്ങനെ സ്വന്തം പാര്‍ട്ടിയിലെ അക്രമികളെ സംരക്ഷിക്കുന്നവര്‍ തന്നെയാണ് രാഷ്ട്രീയമായി ബന്ധമൊന്നുമില്ലാത്ത അക്രമസംഭവങ്ങളില്‍ രാഷ്ട്രീയം കൂട്ടിക്കലര്‍ത്തി ബിജെപിയുടെ തലയില്‍ അതിന്റെ പാപഭാരം കെട്ടിവെക്കുന്നത്.
Discussion about this post