ജെൻ-സിയുടെ ഹൃദയം കീഴടക്കി മോദി; ഇൻസ്റ്റഗ്രാമിൽ 105 മില്യൺ ഫോളോവേഴ്‌സിന്റെ ചരിത്രനേട്ടം

ജെൻസികളുടെ ഇഷ്ട സമൂഹമാധ്യമമായ ഇൻസ്റ്റഗ്രാമിൽ ഏറ്റവും കൂടുതൽ ഫോളോവേഴ്‌സുള്ള രാഷ്ട്രീയ നേതാവായി പ്രധാനമന്ത്രി നരേന്ദ്ര മോദി. ഇൻസ്റ്റഗ്രാമിൽ നരേന്ദ്ര മോദിയുടെ ഫോളോവേഴ്‌സിന്റെ എണ്ണം നിലവിൽ 105 മില്യൺ പിന്നിട്ടു. ഇതോടെ ഇൻസ്റ്റഗ്രാമിൽ 100 മില്യൺ ഫോളോവേഴ്‌സ് കൈവരിക്കുന്ന ലോകത്തിലെ ആദ്യത്തെ നേതാവായിരിക്കുകയാണ് മോദി.
ഇൻസ്റ്റഗ്രാമിൽ രണ്ടാം സ്ഥാനത്തുള്ള യു.എസ്. പ്രസിഡന്റ് ഡൊണാൾഡ് ട്രംപിന് 43.2 മില്യൺ ഫോളോവേഴ്‌സാണുള്ളത്. ട്രംപിനേക്കാൾ രണ്ടിരട്ടിയിലധികം ഫോളോവേഴ്‌സാണ് മോദിക്ക് നിലവില്‍.

Add Kesari Weekly as a preferred source on Google

ഭാരതത്തിലെ മറ്റ് മുൻനിര രാഷ്ട്രീയ നേതാക്കളേക്കാളും ബഹുദൂരം മുന്നിലാണ് മോദി. ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് 16.1 മില്യണും കോൺഗ്രസ് നേതാവ് രാഹുൽ ഗാന്ധിക്ക് 12.6 മില്യണും ഫോളോവേഴ്‌സാണുള്ളത്. സമീപദിവസങ്ങളിൽ വിദ്യാർത്ഥികളെ അഭിസംബോധന ചെയ്ത് പ്രധാനമന്ത്രി പങ്കുവെച്ച റീൽസ് വീഡിയോ സോഷ്യൽ മീഡിയയിൽ വൻതോതിൽ വൈറലായതോടെ വെറും നാല് ദിവസത്തിനുള്ളിൽ 40 ലക്ഷത്തിലധികം പുതിയ ഫോളോവേഴ്‌സാണ് അദ്ദേഹത്തിന്‍റെ അക്കൗണ്ടിലേക്ക് എത്തിയത്.

വിദ്യാർത്ഥികളെ അഭിസംബോധന ചെയ്ത് പ്രധാനമന്ത്രി പങ്കുവെച്ച ആദ്യ റീൽ 24 മണിക്കൂറിനുള്ളിൽ 303 ദശലക്ഷത്തിലധികം (30.3 കോടി) കാഴ്ചകൾ നേടി പുതിയ ആഗോള റെക്കോർഡ് സൃഷ്ടിച്ചിരുന്നു. പരീക്ഷാ ചോദ്യപേപ്പർ ചോർച്ചയ്‌ക്കെതിരെ കേന്ദ്ര സർക്കാർ സ്വീകരിക്കുന്ന നടപടികളെക്കുറിച്ച് യുവാക്കളെ അഭിസംബോധന ചെയ്ത് മോദി പങ്കുവെച്ച വീഡിയോയാണ് വൻ ജനപ്രീതി നേടിയത്.

ADVERTISEMENT

വീഡിയോയ്ക്ക് ലഭിച്ച വലിയ പ്രതികരണത്തിന് പിന്നാലെ പ്രധാനമന്ത്രി മറ്റൊരു റീൽ പങ്കുവെച്ച് എല്ലാവർക്കും നന്ദി അറിയിച്ചു. “സുഹൃത്തുക്കളേ, നിങ്ങളുടെ സ്നേഹത്തിനും വിലപ്പെട്ട നിർദേശങ്ങൾക്കും നന്ദി. നിങ്ങളുടെ സ്നേഹം എപ്പോഴും എന്നോടൊപ്പം തുടരും. നമ്മുടെ ബന്ധം കൂടുതൽ ശക്തമാകും,” എന്നാണ് അദ്ദേഹം പറഞ്ഞത്.

റീലിന് 16 ദശലക്ഷത്തിലധികം ലൈക്കുകളും ലക്ഷക്കണക്കിന് കമന്റുകളും ലഭിച്ചതായും റിപ്പോർട്ടുകളുണ്ട്. ഈ വൈറൽ വീഡിയോയിലൂടെ പ്രധാനമന്ത്രിയുടെ ഇൻസ്റ്റഗ്രാം അക്കൗണ്ടിന് ഒരൊറ്റ രാത്രിക്കുള്ളിൽ ഏകദേശം 10 ലക്ഷം പുതിയ ഫോളോവേഴ്‌സിനെയും ലഭിച്ചു.