വിദ്യാനികേതൻ സംസ്ഥാനതല കായികമേള ആഗസ്റ്റ് 21,22,23 തീയ്യതികളിൽ

കോഴിക്കോട് : ഭാരതീയ വിദ്യാനികേതൻ വിദ്യാലയങ്ങളുടെ 30-ാമത് സംസ്ഥാനതല കായിക മേള ആഗസ്റ്റ് 21,22,23 തിയ്യതികളിൽ കോഴിക്കോട് മെഡിക്കൽ കോളേജ് ഗ്രൗണ്ടിൽ വെച്ച് നടക്കും. 118 ഇനങ്ങളിൽ 900 ത്തോളം വിദ്യാർത്ഥികൾ അവരുടെ കായിക മികവിൻ്റെ മാറ്റുരയ്ക്കും.

Add Kesari Weekly as a preferred source on Google

ആഗസ്‌ത് 22 ന് രാവിലെ 10 മണിയ്ക്ക് പോലീസ് അസിസ്റ്റൻ്റ് കമ്മീഷണർ പി. പ്രമോദ് കായികമേളയുടെ ഔപചാരികമായ ഉദ്ഘാടനം നിർവ്വഹിക്കും. ഭാരതീയ വിദ്യാ നികേതൻ സംസ്ഥാന അധ്യക്ഷൻ പി.ഗോപാലൻകുട്ടി മാസ്റ്റർ, ജനറൽ സെക്രട്ടറി എൻ. രാധാകൃഷ്‌ണൻ, സംഘടന സെക്രട്ടറി ആർ.അനീഷ് കുമാർ, ജില്ലാ അധ്യക്ഷൻ എ.കെ.വി ജയൻ മാസ്റ്റർ തുടങ്ങിയവർ സന്നിഹിതരാകും.

കായികമേളയുടെ വിജയകരമായ നടത്തിപ്പിനായി സുനിൽ നമ്പ്യാർ (മാനേജർ (റിട്ട.) അഗ്രി ബിസിനസ്സ് സെക്‌ടർ) ചെയർമാനും സജീവ്‌രാജ്.പി.എം (ബി.വി. എൻ. ജില്ലാ സപോർട്‌സ് കോഡിനേറ്റർ) ജനറൽ കൺവീനറുമായി സംഘാടക സമിതി രൂപീകരിച്ച് പ്രവർത്തനങ്ങൾ ആരംഭിച്ചു.

ADVERTISEMENT