ആർഎസ്എസ് വിവേകാനന്ദ ദർശനത്തിന്റെ പ്രായോഗിക ആവിഷ്കാരം: ജെ.നന്ദകുമാർ

വടകര: സ്വാമിവിവേകാനന്ദന്റെ ദർശനത്തിന്റെ പ്രായോഗിക ആവിഷ്കാരമാണ് സംഘമെന്ന് പ്രജ്ഞാപ്രവാഹ് ദേശീയ സംയോജകൻ ജെ.നന്ദകുമാർ. ആർഎസ്എസ് ശതാബ്ദിയോടനുബന്ധിച്ച് വടകരയിൽ നടന്ന പൗരസംഗമത്തിൽ സംസാരിക്കുകയായിരുന്നു അദ്ദേഹം.

Add Kesari Weekly as a preferred source on Google

സമർപ്പണത്തിനും സേവനത്തിനും സംഘടനയ്ക്കും മുഖ്യ പ്രാധാന്യം നൽകിയാണ് സംഘം ആരംഭിച്ചത്..കഴിഞ്ഞ നൂറു വർഷത്തെ സംഘ പ്രവർത്തനം ഈ ദർശനത്തെ മുൻനിർത്തിയാണ് മുന്നേറിയത്.ഇതിന്റെ സ്വാഭാവിക പരിണാമമെന്നപോലെ രാഷ്ട്ര ജീവിതത്തിന്റെ സമസ്ത മേഖലകളിലും സമന്വയത്തിന്റെ ദർശനവുമായി ആരംഭിച്ച വിവിധ സംഘടനകൾ സൃഷ്ടിച്ച മാറ്റം ഇതിന്റെ തുടർച്ചയാണ്.

നിർമ്മതന്മാരെയും നിരീശ്വരവാദികളെയും ഉൾപ്പെടുന്നതാണ് ഹിന്ദുത്വം.ഹിന്ദുത്വത്തിന്റെ ഈ സവിശേഷതയാണ് സംഘത്തിന്റെ അടിസ്ഥാന ദർശനം.

ADVERTISEMENT

വേറിട്ടു പോകാൻ ആഗ്രഹിക്കുന്നവരെപ്പോലും അത്ചേർത്തു നിർത്തുന്നു.

ഈ സവിശേഷതയാണ് സംഘം പ്രതിനിധാനം ചെയ്യുന്നത്.

സമ്പൂർണ്ണ വിശ്വത്തേയും ആര്യമാക്കാനുള്ള ഭാരതത്തിന്റെ ജീവിതദൗത്യം പൂർത്തിയാക്കാനുള്ളതാണ് സംഘം അദ്ദേഹം പറഞ്ഞു.കോഴിക്കോട് വിഭാഗ് സഹ സംഘചാലക് എ.കെ ശ്രീധരൻ മാസ്റ്റർ പരിപാടിയിൽ സന്നിഹിതനായിരുന്നു.
രാഷ്ട്രീയ സ്വയംസേവക സംഘം വടകര ജില്ലാ സംഘചാലക് എ.ശിവരാമൻ അധ്യക്ഷത വഹിച്ച പരിപാടിയിൽ ടി.യു രാജേഷ് സ്വാഗതവും,പി.സുനിൽ കുമാർ നന്ദിയും പറഞ്ഞു.