ലോകത്തെ നയിക്കാനുള്ള ചുമതല ഭാരതത്തിൻ്റേത് : ഡോ. മോഹൻ ഭാഗവത്

ഖേഡ (ഗുജറാത്ത്): ഇന്നത്തെ സാഹചര്യങ്ങളിൽ, ലോകത്തെ മുഴുവൻ നയിക്കാനുള്ള ചുമതല ഭാരതത്തിൻ്റേതാണെന്ന് ആർ എസ് എസ് സർസംഘചാലക് ഡോ. മോഹൻ ഭാഗവത്. ധർമ്മം പാലിച്ചു കൊണ്ട് ധർമ്മത്തെ സംരക്ഷിക്കാൻ നമുക്ക് കഴിയണമെന്ന് അദ്ദേഹം പറഞ്ഞു.ജേതൽപൂർ ധാം ശ്രീ സ്വാമിനാരായണ ക്ഷേത്രത്തിൽ ശ്രീ രേവതി ബൽദേവ് ഹരികൃഷ്ണ മഹാരാജ് ദ്വിശതാബ്ദി പട്ടോത്സവത്തിൽ സംസാരിക്കുകയായിരുന്നു സർസംഘചാലക്.

Add Kesari Weekly as a preferred source on Google

സംഘപ്രവർത്തനത്തിൻ്റെ ശതാബ്ദി കാലമാണിത്. ജേതൽപൂർ ധാമിൻ്റെ പ്രവർത്തനം ഇരുന്നൂറാണ്ട് പൂർത്തിയാക്കുന്ന സമ്മേളനത്തിൽ സംഘകാര്യകർത്താവെന്ന നിലയിൽ എൻ്റെ റോൾ ജൂനിയറിൻ്റേതാണ്. സനാതന ധർമ്മത്തെ സംരക്ഷിക്കുക എന്നതാണ് നമ്മുടെ കടമ. ധർമ്മം ശാശ്വതമാണ്; ഈശ്വരഹിതത്താൽ സൃഷ്ടിക്കപ്പെട്ട പ്രപഞ്ചത്തിൻ്റെ നിയമങ്ങളാണ് ധർമ്മം, സർസംഘചാലക് പറഞ്ഞു.

നമ്മുടെ പെരുമാറ്റത്തിലൂടെ ധർമ്മം എന്താണെന്ന് വ്യക്തമാകണം. ധർമ്മം പിന്തുടരുക എന്നതിന്റെ അർത്ഥമതാണ്. ധർമ്മം ഒരുമയാണ്. നമ്മുടെ ജീവിതത്തെയും ധർമ്മത്താൽ ഏകീകരിക്കണം, അദ്ദേഹം പറഞ്ഞു. സംഘത്തിൻ്റെ നിത്യ ആരാധന ശാഖയാണ്. ജേതൽപ്പൂർ ധാമിലെ ആരാധന വേദ പാരമ്പര്യത്തിന്റെ അർച്ചനയാണ്. ഒരു സാധാരണ വ്യക്തി എങ്ങനെ പെരുമാറണമെന്ന് വിശദീകരിക്കുന്ന ശിക്ഷാപത്രിക നമുക്കുണ്ട്. വാക്കുകൾക്ക് മാത്രമല്ല പെരുമാറ്റത്തിനും പ്രാധാന്യമുണ്ട്. ധർമ്മത്തിലൂടെ നാം ധർമ്മത്തെ സംരക്ഷിക്കണം, ധർമ്മത്തിന്റെ പ്രവൃത്തി ഒന്നിക്കുകയും മുന്നേറുകയും ചെയ്യുക എന്നതാണ്. ഈശ്വര സൃഷ്ടിയിൽ ഓരോ വ്യക്തിക്കും വസ്തുവിനും ചില ലക്ഷ്യങ്ങളുണ്ട്. എല്ലാവരുമായും ഒത്തു ചേരുന്ന, ഉൾക്കൊള്ളുന്ന മനോഭാവമാണ് സമരസത . എല്ലാം ദൈവം സൃഷ്ടിച്ചതാണെങ്കിൽ, ഉയർന്നതും താഴ്ന്നതുമായ വ്യത്യാസങ്ങൾ എവിടെ നിന്ന് വന്നു? വിവേചനം ധർമ്മത്തെയും സമൂഹത്തെയും ദോഷകരമായി ബാധിക്കും, മോഹൻ ഭാഗവത് പറഞ്ഞു.