No products in the cart.
Add Kesari Weekly as a preferred source on Google
ശാസ്ത്രജ്ഞര്ക്ക് സന്ന്യാസി ക്ലാസെടുക്കുകയോ?
ചന്ദ്രയാന് വിക്ഷേപണത്തിന്റെ പേരില് ഐ.എസ്.ആര്.ഒ. ശാസ്ത്രജ്ഞരെക്കുറിച്ചോര്ത്ത് അഭിമാനിക്കേണ്ടതാണ്. എന്നാല് നമ്മുടെ ഇടത് ‘ബുജി’കള്ക്ക് അത്രയ്ക്കങ്ങ് അഭിമാനിക്കാന് തോന്നുന്നില്ലെന്നു മാത്രമല്ല അസാരം നാണം ഉണ്ടുതാനും. ഭൗതികവാദത്തിന്റെ വിജയം ഘോഷിക്കേണ്ട ശാസ്ത്രജ്ഞന്മാര് ക്ഷേത്രങ്ങളില് വഴിപാടുമായി നടക്കുകയും സന്ന്യാസിമാരെ വിളിച്ച് ക്ലാസെടുപ്പിക്കുകയും ചെയ്താല് അവര്ക്ക് നാണം തോന്നാതിരിക്കുമോ? ചന്ദ്രയാന് വിക്ഷേപണത്തിനു മുമ്പ് ഐ.എസ്. ആര്.ഒ. ചെയര്മാന് ഡോ. കെ.ശിവന് പോയത് തിരുമലക്ഷേത്രത്തിലേയ്ക്കാണ്; ചന്ദ്രയാന് വിക്ഷേപണവിജയത്തിന് ഈശ്വരാനുഗ്രഹമുണ്ടാകാന്. വേദപണ്ഡിതന്മാരെ വിളിച്ച് ‘ഇടാശിര്വചനം’ എന്ന ചടങ്ങ് രംഗനായകുല മണ്ഡപത്തില് നടത്തുകയും ക്ഷേത്രം എക്സിക്യൂട്ടീവ് ഓഫീസറില് നിന്നു തീര്ത്ഥപ്രസാദം സ്വീകരിക്കുകയും ചെയ്തു. ശ്രീഹരിക്കോട്ടയ്ക്കടുത്ത ഒരു ക്ഷേത്രത്തി ലും അദ്ദേഹം വഴിപാടു നടത്തി. ശാസ്ത്രജ്ഞര് ഇത്രയ്ക്ക് അന്ധവിശ്വാസികളാകാമോ എന്ന് അന്നുതന്നെ ഈ ‘ബുജി’കള് ചോദിച്ചതാണ്.
അതിലും വലിയ ഒരപരാധമാണ് ഐ.എസ്.ആര്.ഒ ശാസ്ത്രജ്ഞര് അതിനുരണ്ടരവര്ഷംമുമ്പ് ചെയ്തത്. ചന്ദ്രയാന് വിക്ഷേപണത്തിനു വേണ്ടി വൈദികഗണിതത്തിലെ ചില സൂത്രങ്ങള് അവര് ഉപയോഗിച്ചു. അവര്ക്ക് അതു ക്ലാസ്സെടുത്തു കൊടുത്തത് ഗോവര്ദ്ധന പീഠത്തിലെ ശങ്കരാചാര്യര് നിശ്ചലാനന്ദ സരസ്വതിയാണ്. ഐ.എസ്.ആര്.ഒയുടെ അഹമ്മദാബാദ് കേന്ദ്രത്തിലേയ്ക്ക് 2016 നവംബര് 25ന് അദ്ദേഹത്തെ ക്ഷണിച്ചുവരുത്തുകയായിരുന്നു. ബഹിരാകാശ ദൂരം കണക്കാക്കാനാണ് വൈദിക ഗണിതത്തിലെ ചില സൂത്രങ്ങള് ശങ്കരാചാര്യ സ്വാമികള് ശാസ്ത്രജ്ഞര്ക്ക് പറഞ്ഞുകൊടുത്തത്. ഐ.എസ്.ആര്.ഒ. ചെയര്മാന് കിരണ്കുമാര് ഉള്പ്പെടെ ആയിരത്തോളം ബഹിരാകാശ ഗവേഷകര് സ്വാമിജിയുടെ ക്ലാസ്സില് പങ്കെടുത്തു. ജ്യോതിശാസ്ത്രത്തിലും മിസൈല് സാങ്കേതിക വിദ്യയിലും വൈദികഗണിതത്തിലും നിപുണനായ ഭാരതീകൃഷ്ണ തീര്ത്ഥ ശങ്കരാചാര്യരുടെ പിന്ഗാമിയാണ് നിശ്ചലാനന്ദ സരസ്വതി. നിരവധി പുസ്തകങ്ങള് ഈ വിഷയത്തില് അദ്ദേഹം എഴുതിയിട്ടുണ്ട്. ശങ്കരാചാര്യരുടെ ക്ലാസ് ചന്ദ്രയാന് വിക്ഷേപണത്തിന് സഹായകമായി എന്നാണ് ഗവേഷകര് പ്രതികരിച്ചത്. എന്നാല് ഇതൊന്നും സമ്മതിച്ചുതരാന് നമ്മുടെ ഇടത് ‘ബുജി’കള് തയ്യാറല്ല. അവരുടെ കാഴ്ചപ്പാടില് നമ്മുടെ പൂര്വ്വികര് വിഡ്ഢികളും അവര് എഴുതിയ ഗ്രന്ഥങ്ങള് വിവരക്കേടുകളുമാണ്.
ADVERTISEMENT
Latest
