തിരുവനന്തപുരം യൂനിവേഴ്സിറ്റി കോളേജിലെ കത്തിക്കുത്തും ഏറ്റമുട്ടലും കണ്ട് ആരും അന്തിച്ചു നില്ക്കണ്ട. ഇത് സി.പി.എമ്മിന്റെ അടവുനയങ്ങളില് ഒന്നാണ്. പാര്ട്ടിയ്ക്കു കീഴിലെ ചുവപ്പന് സാമ്രാജ്യങ്ങളില് അദ്ധ്യാപകരും കുട്ടികളും പ്രിന്സിപ്പാളും എങ്ങനെ കഴിയണം എന്ന് കാട്ടിത്തരാനുള്ള പാര്ട്ടിയുടെ ഒരു ‘മോക്ഷോ’ മാത്രമാണിത്.
യൂനിവേഴ്സിറ്റി കോളേജിലെ പ്രിന്സിപ്പാളിന്റെ നിലപാട് കണ്ടില്ലേ? പാലം കുലുങ്ങിയാലും ഒട്ടും കുലുങ്ങാത്ത കേളന്. പത്രക്കാരോട് ‘കടക്ക് പുറത്ത്’ എന്നു ആക്രോശിച്ച പ്രിന്സി എന്താണു സംഭവിച്ചത് എന്ന ചോദ്യത്തിനു ഞാന് ഒന്നും അറിഞ്ഞില്ല എന്നു മറുപടി പറഞ്ഞു. ഇതാണ് മാതൃക പ്രിന്സിപ്പാള്. കേരളത്തിലെ കോ ളേജുകളിലെ എല്ലാ പ്രിന്സിപ്പാള്മാരും ഈ മാതൃക സ്വീകരിക്കണം; പ്രത്യേകിച്ച് തൃശ്ശൂര് കേരളവര്മ്മ കോളേജ് പ്രിന്സിപ്പാള് ഡോ. എ.പി. ജയദേവന്.
പാര്ട്ടി സെല്ലുപോലെയാണ്, കേരളവര്മ്മ കോളേജ് ഭരിക്കുന്ന കൊച്ചി ദേവസ്വം ബോര്ഡിന്റെ നിലപാട്. മറ്റൊരു പാര്ട്ടി സെല്ലായ എ.കെ.പി.സി.ടി.എയിലെ അംഗങ്ങളാണ് അവിടുത്തെ അദ്ധ്യാപകര്. ഏക വിദ്യാര്ത്ഥി സംഘടന മറ്റൊരു സെല്ലായ എസ്.എഫ്.ഐയും. ഇവരുടെ തിരുവായ്ക്ക് അവിടെ എതിര്വായില്ല. പ്രിന്സിപ്പാള് ജയദേവന് അതു ലംഘിച്ചു. എസ്.എഫ്.ഐ ഭരണം അദ്ദേഹം അംഗീകരിച്ചില്ല. അവരെ അനുസരിച്ചോളൂ എന്ന് ദേവസ്വം ബോര്ഡ് ഉപദേശിച്ചിട്ടും കേട്ടില്ല. തുടര്ന്ന് 12 മണിക്കൂര് ജയദേവനെ എസ്.എഫ്.ഐക്കാര് മുറിയില് പൂട്ടി ഘരാവോ ചെയ്തു. അതിനും വഴങ്ങാതെ ജയദേവന് രാജിക്കത്ത് നല്കി.(കത്ത് പിന്നീട് പിന്വലിച്ചു) മാര്ക്സിസ്റ്റ് അദ്ധ്യാപക സംഘടനയില് പെട്ട ജയദേവന് എങ്ങനെയാണ് മാതൃകാ അദ്ധ്യാപകന് പെരുമാറേണ്ടത് എന്ന് കാണിച്ചുകൊടുത്തിരിക്കയാണ് യൂനിവേഴ്സിറ്റി കോളേജ് പ്രിന്സിപ്പാള്. തല്ക്കാലം എസ്.എഫ്. ഐ പിന്വാങ്ങിയെങ്കിലും അദ്ദേ ഹം വഴങ്ങുന്നില്ലെങ്കില് എസ്.എഫ്.ഐക്കാര് അടുത്ത നടപടിയിലേക്ക് കടക്കും. കേരളത്തിലെ കോളേജുകളെല്ലാം യൂനിവേഴ്സിറ്റി കോളേജിന്റെ മാതൃകയിലേയ്ക്ക് ഉയര്ന്നാല് പിണറായി ഭരണത്തില് കേരളം തനി ചുകപ്പന് സാമ്രാജ്യമാകും. അവിടെ നിന്നു കൊടി സുനിമാര് ഉയര്ന്നു വന്നു സംസ്ഥാനമാകെ കൊടികുത്തിവാഴും.