No products in the cart.
പൊതുമേഖലാ സ്ഥാപനങ്ങളുടെ ഓഹരികള്‍ വില്‍ക്കുന്നത് ആശാസ്യമല്ല – സ്വദേശി ജാഗരണ്‍ മഞ്ച്
കൊച്ചി: ബജറ്റിലെ ധനകമ്മി നികത്താന്‍ പൊതുമേഖലാസ്ഥാപനങ്ങള്‍ വില്‍ക്കുന്ന നടപടി അംഗീകരിക്കാനാകില്ലെന്ന് സ്വദേശി ജാഗരണ്‍ മഞ്ച് അഖിലേന്ത്യാ കണ്‍വീനര്‍ സുന്ദരം രാമാമൃതം പറഞ്ഞു. ഠേംഗ്ഡ്ജി ജന്മശതാബ്ദിയുടെ ഭാഗമായി സ്വദേശി ജാഗരണ്‍ മഞ്ചിന്റെ ആഭിമുഖ്യത്തില്‍ ഓഹരി വിറ്റഴിക്കലിനെക്കുറിച്ച് കൊച്ചിയില്‍ നടന്ന ചര്‍ച്ചയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
സ്വകാര്യവല്‍ക്കരണവും ഓഹരി വില്പനയും സംബന്ധിച്ച് സമഗ്രമായ ചര്‍ച്ചകള്‍ നടക്കണം. പൊതുമേഖലയേക്കാള്‍ സ്വകാര്യമേഖല മികച്ചതാണെന്നത് പഴയ സങ്കല്പം മാത്രമാണ്. ചില മേഖലകളിലെ ഓഹരി വില്‍ക്കുന്നതില്‍ തെറ്റില്ല. എന്നാല്‍ ബിപിസിഎല്‍ പോലെ ലാഭത്തിലുള്ള തന്ത്രപരമായ സ്ഥാപനങ്ങളുടെ ഓഹരി വില്‍ക്കുമ്പോള്‍ അത് ജനങ്ങളേയും ജീവനക്കാരേയും ബോധ്യപ്പെടുത്തണം. എയര്‍ ഇന്ത്യയുടെ ഓഹരി വില്‍ക്കു ന്നതിനേക്കാള്‍ അതിന്റെ വന്‍തോതിലുള്ള സ്വത്തുക്കള്‍ വിനിയോഗിച്ച് പണം കണ്ടെത്താമെന്നും അദ്ദേഹം പറഞ്ഞു.
സി.എം.എസ്. കോളേജ് സെന്റര്‍ ഫോര്‍ റിസര്‍ച്ച് ഇന്‍ മാത്തമാറ്റിക്‌സ് ഡയറക്ടര്‍ ഡോ.എ.കൃഷ്ണമൂര്‍ത്തി, ബിഎംഎസ് സംസ്ഥാന സെക്രട്ടറി ആര്‍.രഘുരാജ്, സിഎസ്ബില്‍ മുന്‍ ചെയര്‍മാന്‍ പി.എസ്. മേനോന്‍, ലഘു ഉദ്യോഗ് ഭാരതി കണ്‍വീനര്‍ എസ്. വെങ്കടേശ്വരന്‍ എന്നിവര്‍ ചര്‍ച്ചയില്‍ പങ്കെടുത്തു.
Related Posts
Kesari Shop
Latest
Comments