No products in the cart.
Add Kesari Weekly as a preferred source on Google
യാത്രാവിവരണവും ഐതിഹ്യവും
കന്യാകുമാരി മുതല്
കപിലവസ്തുവരെ
(യാത്രാവിവരണം)
സാധുശീലന് പരമേശ്വരന്പിള്ള
ക്വാണ്ടിക് ബുക്സ്,
തിരുവനന്തപുരം
പേജ്: 303 വില: 430 രൂപ
ആറ് പതിറ്റാണ്ട് മുമ്പ് സാധുശീലന് പരമേശ്വരന് പിള്ള എന്ന കര്മ്മയോഗി എഴുതിയ യാത്രാവിവരണമാണ് ‘കന്യാകുമാരി മുതല് കപിലവസ്തുവരെ’. ഒരു ആത്മീയാന്വേഷകന്റെ കേവലമൊരു യാത്രാവിവരണത്തിലുപരി ഭാരതത്തിന്റെ തനതു സംസ്കാരത്തിന്റെ നേര്ചിത്രം അനാവരണം ചെയ്യുക കൂടിയാണിത്. അധാര്മ്മികവും ബീഭത്സങ്ങളുമായ പല പരിവര്ത്തന ദശകങ്ങളെയും അതിജീവിച്ചുകൊണ്ട് നമ്മുടെ ഉപബോധമനസ്സുകളെ തട്ടിയുണര്ത്താന് ശക്തിയുറ്റതായി നിലകൊള്ളുന്ന പുണ്യസ്ഥലങ്ങള് ദര്ശിച്ച് എഴുതിയ ഈ യാത്രാവിവരണം ഇന്നും ആകാംക്ഷയോടെ വായിച്ചു പോകാവുന്ന ഒരു രചനയാണ്. കേവലം കെട്ടിട സമുച്ചയങ്ങള് ദര് ശിക്കാന് പോകുന്നു എന്നതിനപ്പുറം വിവിധ നിലയില് ജീവിക്കുന്ന ജനങ്ങളുമായി അടുക്കുവാനും സംസാരിക്കുവാനും സമയം കണ്ടെത്തിയെന്നത് രചയിതാവിന്റെ ഉദ്ദേശ്യശുദ്ധിയെ വെളിവാക്കുന്നു. അതില് നിന്നുള്ക്കൊണ്ട നിരീക്ഷണം പങ്കുവെയ്ക്കാനദ്ദേഹം മടികാണിച്ചുമില്ല. ദേശീയ സ്വാതന്ത്ര്യത്തിനും ഭദ്രതയ്ക്കും വേണ്ടി ജീവാഹൂതി ചെയ്ത ഭാരതീയ മഹത്തുക്കളുടെ ആഹ്വാനങ്ങള് കേവലം വനരോദങ്ങളായി മാറുന്നു. ആദര്ശവും ജീവിതവും തമ്മില് പൊരുത്തമില്ലാത്ത ജനജീവിതം ഗ്രന്ഥകര്ത്താവിന്റെ ഹൃദയനോവായി പ്രതിഫലിക്കുന്നുണ്ടിതില്. ശ്രീരാമജന്മഭൂമി സംഘര്ഷങ്ങള്ക്കറുതി വരുത്താന് ആ പാവനസ്ഥലം അതിന്റെ പൂര്വ്വാവസ്ഥയില് പുനരുദ്ധരിക്കപ്പെടണമെന്ന ഗ്രന്ഥകാരന്റെ ആഗ്രഹം സഫലീകൃതമായിക്കൊണ്ടിരിക്കുന്നുവെന്ന സന്തോഷം വര്ഷങ്ങള്ക്കുശേഷം നാമനുഭവിക്കുന്നു. കന്യാകുമാരി മുതല് കപിലവസ്തുവരെയുള്ള പുണ്യസങ്കേതങ്ങളെക്കുറിച്ച് പുതുതലമുറയ്ക്കറിയാന് ഈ ഗ്രന്ഥം ഏറെ സഹായകമാകും. പുസ്തകരൂപത്തില് ഇതിന്റെ നാലാം പതിപ്പാണ് നമ്മുടെ മുമ്പിലുള്ളതെങ്കിലും, അറുപതു വര്ഷങ്ങള്ക്കു മുമ്പ് ഈ യാത്രാവിവരണം ആദ്യമായി പ്രസിദ്ധീകരിച്ചത് കേസരി വാരികയാണെന്ന കാര്യത്തില് നമുക്കഭിമാനി ക്കാം.
കാരയ്ക്കലമ്മ
കെ.ബി. ശ്രീദേവി
എച്ച് & സി ബുക്സ്, തൃശ്ശൂര്
പേജ്: 52 വില: 40 രൂപ
ഫോണ്: 0484-2338324
ADVERTISEMENT
പറയിപെറ്റ പന്തിരുകുലം എന്ന ഐതിഹ്യത്തില് ഉള്പ്പെട്ട ഏക സ്ത്രീ സന്താനമാണ് കാരയ്ക്കലമ്മ. പറയിപെറ്റ പന്തിരുകുലത്തിലെ മറ്റുള്ള സന്തതികളെപോലെ ഏറെ ചര്ച്ച ചെയ്യപ്പെടാതിരുന്ന, അസാധാരണ ബുദ്ധിയും വിവേകവുമുള്ള ഈ സ്ത്രീ സന്താനത്തിന്റെ ജീവിതകഥ അവതരിപ്പിക്കുകയാണ് സാഹിത്യകാരിയായ കെ.ബി. ശ്രീദേവി ‘കാരയ്ക്കലമ്മ’ എന്ന രചനയിലൂടെ. ക്ഷത്രിയ സ്ത്രീയാണെന്ന് ചിലരെങ്കിലും പറയുന്നുണ്ടെങ്കിലും, വര്ഗ്ഗവര്ണ്ണ വ്യത്യാസമില്ലാതെയും, സ്ത്രീപുരുഷ ഭേദമില്ലാതെയും എല്ലാവരുടെയും ദുഃഖവും ബുദ്ധിമുട്ടും അകറ്റുകയെന്നതാണ് മാതയെന്നു വിളിക്കപ്പെടുന്ന ഈ സന്തതിയുടെ ജീവിത ധര്മ്മം. അവരുടെ ജീവിതകഥയിലെ വിവിധ ഘട്ടങ്ങളെ കോര്ത്തിണക്കി മോക്ഷപ്രാപ്തി വരെയുള്ള കാര്യങ്ങള് ഉള്പ്പെടുത്തിയ ഈ പുസ്തകം പറയിപെറ്റ പന്തിരുകുലം ഐതിഹ്യത്തിലെ ഒരവിസ്മരണീയ രചനയാണ്.
Latest
