നമസ്‌തേ ഭാരതാംബേ!

1.
നമോ നമസ്‌തേ ഭാരതജനനീ! പ്രപഞ്ചമാതസ്ത്വം
പ്രസീദ! മഹ്യം സുഖദം സുസ്ഥിര ഭാവോജ്വലമൈക്യം
സമുദ്രവസനാവരണേ! ഗിരിവരകിരീടധരിണി! ത്വം
പ്രകാശയ! സവിതാരം നവയുഗഭാരതചൈതന്യം

Add Kesari Weekly as a preferred source on Google

2.
അഖണ്ഡഭാരതചൈതന്യേ! പരമനന്തഗുണദാത്രീ!
അഖിലാഗമസാരസതത്വജ്ഞേ! പ്രണവാമൃതഗാത്രീ!
അഖണ്ഡകോടിപ്രഭൃതീനാം ലോകാനാം വരധാത്രീ!
അഖിലാണ്ഡേശ്വരി! വിതരതു മഹ്യം ധീമയഗായത്രീം

3.
ഗംഗായമുനാഗോദാവരിസം സരസ്വതീസിന്ധൂ
നര്‍മദകാവേരീഭിര്‍വസുധാ ധാരാം പ്രവഹന്തി
ഏഭിസ്സപ്തനദീഭിസ്സതതം വിശുദ്ധിമാപ്തുമഹോ
മനുജാ: സര്‍വ്വേ തവപദജലധൗ സ്‌നാനം കുര്‍വന്തി
4.
നാനാത്വേ പരമേകത്വം സത്കര്‍മണി സംസ്ഥീയം
സര്‍വജനാനാമൈക്യം സമതാ സഹവര്‍ത്തിത്വഞ്ച
സമ്പത് വര്‍ദ്ധനമായുര്‍വര്‍ദ്ധനമവിരതമതിധൈര്യം
വിരചയ! ഋഷിഗണസഹിതേ! ഭാരതഭൂമൗ ജഗദംബേ!

ADVERTISEMENT

5.
വിശ്വഗുരുസ്സൈന്ധവസംസ്‌കാരം സനാതനം ധര്‍മം
വിശ്വോത്തരഭാരത്യാ ശോഭിത- മിളാവൃതം ഖണ്ഡം
വിശ്വവരേണ്യതപസ്വീനാം പരമാശ്രിതവരഖണ്ഡം
വിശ്വസമത്വവിധായകമേതത് ഭാരതഭൂഖണ്ഡം

6.
ശങ്കരഭഗവത്പാദ:സ്വാമി വിവേകാനന്ദാദീനാം
സങ്കല്പം വസുധൈവകുടുംബമവശ്യം കരണീയം
ശമദമസാധനയാ സഹിതം സ്വം സമര്‍പ്പണേന വയം
യത്‌നം കുര്‍മ: സതതം ഭാരത ഭൂമേരഭിവൃദ്ധൈ്യ!

സാരം
1.
അല്ലയോ ഭാരതാംബേ! പ്രപഞ്ചത്തിന്റെ അമ്മേ! നിന്തിരുവടിയ്ക്കു നമസ്‌ക്കാരം. അവിടുന്ന്, സുഖത്തെ പ്രദാനം ചെയ്യുന്നതും സുസ്ഥിരവും ഉജ്ജ്വലവുമായ ഐക്യ ഭാവത്തെ ഞങ്ങള്‍ക്ക് പ്രദാനം ചെയ്താലും. സമുദ്രമാകുന്ന വസ്ത്രത്തെ ധരിച്ചവളും പര്‍വ്വത ശ്രേഷ്ഠനായ ഹിമവാനെ കിരീടമാക്കിയവളും ആയ ഭാരതാംബേ! നിന്തിരുവടി നവചൈതന്യവാനായ യുഗസൂര്യനെ ഈ ഭാരതമണ്ണില്‍ പ്രകാശിപ്പിച്ചാലും

2. അഖണ്ഡഭാരതചൈതന്യസ്വരൂപിണി! മൂല്യവത്തായതും എണ്ണിയാലൊടുങ്ങാത്തതുമായ സത്ഗുണങ്ങളെ പ്രദാനം ചെയ്യുന്നവളേ! വേദമാകുന്ന താമരപ്പൂവിലെ സാരസത്തയെ അറിയുന്നവളേ! അഖില വേദസാരവും അമൃതമയവുമായ ഓങ്കാരം സ്വരൂപമായിട്ടുള്ളവളേ! അഖിലാണ്ഡകോടി ബ്രഹ്മാണ്ഡങ്ങളെയും സൃഷ്ടിച്ച ശ്രേഷ്ഠയായ അമ്മേ! അഖിലാണ്ഡകോടി ബ്രഹ്മാണ്ഡങ്ങള്‍ക്കും ഈശ്വരിയായവളേ! നിന്തിരുവടി ഞങ്ങളിലേയ്ക്ക് വീര്യവും ധൈര്യവും പകരുന്ന ധീമന്ത്രമായ ഗായത്രിയെ ചൊരിഞ്ഞാലും.

3. ഈ ഭാരത ഭൂമിയെ സമ്പദ് സമൃദ്ധമാക്കാനായി ഗംഗാ, യമുനാ, ഗോദാവരി, സരസ്വതി, നര്‍മ്മദ, സിന്ധു, കാവേരി എന്നീ ഏഴു നദികളിലൂടെ അഷ്ടവസുക്കളോടു ചേര്‍ന്ന അമൃതധാരയെ നിന്തിരുവടി ഒഴുക്കുന്നു. ആത്മവിശുദ്ധി ലഭിക്കുന്നതിനായി എല്ലാ മനുഷ്യരും നിന്തിരുവടിയുടെ പാദത്തിലൂടൊഴുകുന്ന ഈ ഏഴു നദികളിലും അനവരതം സ്‌നാനം ചെയ്തു പുണ്യം നേടുന്നു.

4. ഋഷിഗണങ്ങളാല്‍ സേവിയ്ക്കപ്പെടുന്നവളായ ഭാരതാംബേ! നിന്തിരുവടി ഈ ഭാരത മണ്ണില്‍ – നാനാത്വത്തില്‍ ഏകത്വവും, കര്‍മനൈരന്തര്യത്തോടു കൂടിയതും ഐകമത്യത്തിലും സമത്വബോധത്തിലും സഹവര്‍ത്തിത്വത്തിലും വിരാജിയ്ക്കുന്നതും, അതോടൊപ്പം സമ്പത്തും ആയുരാരോഗ്യസൗഖ്യവും ധൈര്യവും വീര്യവും ഉള്ള നല്ലൊരു ജനതയെ വാര്‍ത്തെടുക്കേണമേ!

5. സനാതനധര്‍മത്തോടു കൂടിയ ഈ സൈന്ധവസംസ്‌കാരം വിശ്വത്തിനു തന്നെ മാതൃകയാണ്…ഗുരുവാണ്. വിശ്വോത്തരദേവഭാഷയായ സംസ്‌കൃതത്താല്‍ ചൈതന്യവത്തായിത്തീര്‍ന്നിരിക്കുന്നതാണ് ഭൂമിയിലെ ഈ ഇളാവൃതം എന്ന ഖണ്ഡം. ലോകത്തിലെ പുണ്യാത്മാക്കളായ തപസ്വികളെല്ലാവരും മുക്തിയെ പ്രാപിക്കുന്നതിനായി ആശ്രയിക്കുന്ന ശ്രേഷ്ഠമായ സ്ഥാനമാണിത്. അപ്രകാരം സാംസ്‌ക്കാരികമായും ബൗദ്ധികമായും ആദ്ധ്യാത്മികമായും വിശ്വസമത്വത്തെ വിധാനം ചെയ്യുന്നതാണ് ഈ ഭാരതഭൂഖണ്ഡം.

6. ശങ്കരഭഗവത്പാദര്‍, സ്വാമി വിവേകാനന്ദന്‍ തുടങ്ങിയ യോഗിവര്യന്മാരാല്‍ സ്വപ്‌നം കണ്ട, ഐശ്വര്യ സമ്പദ്‌സമൃദ്ധിയും ഐകമത്യവും ചേര്‍ന്ന വസുധൈവകുടുംബകം എന്ന ഉന്നതശൃംഗത്തിലേയ്ക്ക് ഭാരതത്തെ ഉയര്‍ത്തേണ്ടത് തീര്‍ത്തും അനിവാര്യമാണ്. ശമം (മനസ്സിന്റെ നിയന്ത്രണം), ദമം (ഇന്ദ്രിയങ്ങളുടെ നിയന്ത്രണം) തുടങ്ങിയ സാധനകളെ അനുഷ്ഠിച്ചു കൊണ്ടും ആത്മസമര്‍പ്പണത്തോടു കൂടിയും ഞങ്ങളെല്ലാവരും ഭാരത ഭൂമിയുടെ അഭിവൃദ്ധിയ്ക്കായിക്കൊണ്ട് അനവരതം പ്രയത്‌നിയ്ക്കും.