ബാലസര്‍ഗോത്സവത്തിന് രചനകള്‍ ക്ഷണിച്ചു

കൊച്ചി: നാഷണല്‍ ബുക്ക് ട്രസ്റ്റും അന്താരാഷ്ട്ര പുസ്തകോത്സവ സമിതിയും സംയുക്തമായി ഫെബ്രുവരി 26, 27 തീയ്യതികളില്‍ എറണാകുളത്തപ്പന്‍ ഗ്രൗണ്ടില്‍ സംഘടിപ്പിക്കുന്ന ചില്‍ഡ്രന്‍സ് ലിറ്ററേച്ചര്‍ ഫെസ്റ്റിവലിന്റെ ഭാഗമായി ‘ബാലസര്‍ഗോത്സവം’ നടത്തുന്നു. കുട്ടികളുടെ കഥ, കവിത, നാടകം, ഉപന്യാസം- (പരമാവധി ആയിരം വാക്കുകള്‍) എന്നീ ഇനങ്ങളിലാണ് മത്സരം. സ്വാതന്ത്ര്യസമരത്തിലെ അറിയപ്പെടാത്ത സംഭവങ്ങളും നായകരും എന്നതാണ് വിഷയം. മലയാളത്തിലും ഇംഗ്ലീഷിലും രചനകള്‍ അയക്കാം. രചനകള്‍ ജനുവരി 31-നു മുമ്പായി കണ്‍വീനര്‍, അന്താരാഷ്ട്ര പുസ്തകോത്സവ സമിതി, കലൂര്‍ ടവേഴ്‌സ്, കൊച്ചി-682017 എന്ന വിലാസത്തില്‍ അയക്കണം. ഇമെയില്‍: bookfestkochi@gmail.com