ചിത്രഭാരതി ദേശീയ ചലച്ചിത്രോത്സവത്തിന് എന്‍ട്രികള്‍ ക്ഷണിച്ചു

ഭോപ്പാല്‍: ഭാരതീയ ചിത്രസാധന 2022 ഫെബ്രുവരി 18 മുതല്‍ 20 വരെ ഭോപ്പാലില്‍ സംഘടിപ്പിക്കുന്ന നാലാമത് ചിത്രഭാരതി ദേശീയ ഹ്രസ്വ ചലച്ചിത്രോത്സവത്തിന് എന്‍ട്രികള്‍ ക്ഷണിച്ചു. ഷോര്‍ട്ട് ഫിലിം, ഡോക്യുമെന്ററി, ആനിമേഷന്‍, ക്യാംപസ് ഫിലിം എന്നീ നാലു വിഭാഗങ്ങളിലായാണ് മത്സരങ്ങള്‍ സംഘടിപ്പിക്കുന്നത്. സ്വാതന്ത്ര്യസമരം, സ്വാതന്ത്ര്യത്തിന്റെ എഴുപത്തഞ്ച് വര്‍ഷങ്ങള്‍, അണ്‍ലോക്ഡൗണ്‍, വോക്കല്‍ ഫോര്‍ ലോക്കല്‍, സന്തുഷ്ട ഗ്രാമം സമൃദ്ധ രാഷ്ട്രം, ഭാരതീയ സംസ്‌കാരവും മൂല്യങ്ങളും, ഇന്നൊവേഷന്‍ ആന്റ് ക്രിയേറ്റീവ് വര്‍ക്ക്, കുടുംബം, പരിസ്ഥിതിയും ഊര്‍ജ്ജവും, വിദ്യാഭ്യാസവും നൈപുണ്യ വികസനവും എന്നിങ്ങനെ പത്ത് വിഷയങ്ങളെ ആസ്പദമാക്കിയാണ് മത്സരം. മത്സരാര്‍ത്ഥികള്‍ 2021 നവംബര്‍ മുപ്പതിനു മുന്‍പായി ചിത്രങ്ങള്‍ ഓണ്‍ലൈനായി അപ്‌ലോഡ് ചെയ്യണം. ഷോര്‍ട്ട് ഫിലിമിനും ഡോക്യുമെന്ററിക്കും ഒന്നാം സ്ഥാനം ലഭിക്കുന്നവര്‍ക്ക് ഒരു ലക്ഷം രൂപയാണ് സമ്മാനം. കൂടുതല്‍ വിവരങ്ങള്‍ www.chitrabharati.org എന്ന വെബ്‌സൈറ്റില്‍ ലഭ്യമാണ്.