No products in the cart.
ജന്മാഷ്ടമി പുരസ്‌കാരം കലാമണ്ഡലം ഗോപിക്ക്
തൃശ്ശൂര്‍: ബാലഗോകുലത്തിന്റെ ഉപപ്രസ്ഥാനമായ ബാലസംസ്‌കാര കേന്ദ്രം ഏര്‍പ്പെടുത്തിയ ‘ജന്മാഷ്ടമി’ പുരസ്‌കാരത്തിന് പ്രശസ്ത കഥകളി നടന്‍ കലാമണ്ഡലം ഗോപി അര്‍ഹനായി. അമ്പതിനായിരം രൂപയും ശില്‍പ്പവും പ്രശസ്തിപത്രവും അടങ്ങുന്നതാണ് അവാര്‍ഡ്.
പ്രൊഫ.എം.ജി ശശിഭൂഷണ്‍, ഡി.നാരായണ ശര്‍മ, ഡോ. ചാത്തനാട്ട് അച്യുതനുണ്ണി എന്നിവരടങ്ങിയ സമിതിയാണ് അവാര്‍ഡ് നിര്‍ണയിച്ചത്. ശ്രീകൃഷ്ണ ദര്‍ശനങ്ങളെ മുന്‍നിര്‍ത്തി സാഹിത്യം, കല, വൈജ്ഞാനിക രംഗങ്ങളില്‍ മികച്ച സംഭാവന ചെയ്തിട്ടുള്ള വ്യക്തികളെയാണ് പുരസ്‌കാരത്തിന് തെരഞ്ഞെടുക്കുന്നതെന്ന് ഭാരവാഹികള്‍ അറിയിച്ചു. ശ്രീകൃഷ്ണ ജയന്തിയോടനുബന്ധിച്ച് 26 ന് തൃശ്ശൂരില്‍ ചേരുന്ന സാംസ്‌കാരിക സമ്മേളനത്തില്‍ ആര്‍ട്ടിസ്റ്റ് നമ്പൂതിരി പുരസ്‌കാരം സമര്‍പ്പിക്കും. വാര്‍ത്താ സമ്മേളനത്തില്‍ ബാലഗോകുലം മുന്‍ സംസ്ഥാന അദ്ധ്യക്ഷന്‍ എന്‍.ഹരീന്ദ്രന്‍ മാസ്റ്റര്‍, പുരസ്‌കാര നിര്‍ണയ സമിതിയംഗം ഡി. നാരായണ ശര്‍മ്മ, ബാലഗോകുലം മുന്‍ സംസ്ഥാന ഖജാന്‍ജി കെ.എസ് നാരായണന്‍, തൃശ്ശൂര്‍ മേഖലാ ഖജാന്‍ജി വി.എന്‍. ഹരി എന്നിവര്‍ പങ്കെടുത്തു.
Kesari Shop
Latest
Comments