പുഴ കാണുവാനല്ലോ നാമെത്തി
കയ്യും പിടി-
ച്ചിരിക്കില് താങ്ങായ് കൂട്ടായ്
നീയുമുണ്ടല്ലോ കൂടെ
‘അപ്പൂപ്പാ നോക്കൂ നല്ലയാഴമുണ്ടല്ലേ
പുഴ-
യ്ക്കെത്ര ഭംഗിയാണോളം തല്ലുമ്പോള്
കാറ്റൂതുമ്പോള്
എങ്കിലുമിറങ്ങേണ്ട കാലൊന്നു
തെറ്റിപ്പോയാല്
നമ്മളീയൊഴുക്കില്പ്പെട്ടില്ലാതെ
യായിപ്പോകും.’
വിസ്മയിച്ചുപോയ് നിന്റെയറിവിന് മുന്നില്
ഞാനാം
പുല്ക്കൊടിത്തുമ്പിന്നെത്ര നിസ്സാര-
മെന്നോര്ക്കുമ്പോള്
നീ നല്കുമീസ്നേഹത്തിന് കരുത്തില്
മറക്കട്ടേ
വേവുകള്, കണ്ണീരുപ്പില് കുതിര്ന്ന
നിമിഷങ്ങള്
രോഗ പീഡകള്, എല്ലാ
മിട്ടെറിഞ്ഞവസാന-
മേക ബിന്ദുവില് വാക്കും പൊരുളും
സന്ധിക്കുമ്പോള്
കൊച്ചു കൈക്കുടന്നയിലിത്തിരിജ്ജലം
കോരി-
യിറ്റിക്കുകില്ലേ ചുണ്ടില് ശാന്തമാ
യുറുങ്ങീടാന്.