No products in the cart.
Add Kesari Weekly as a preferred source on Google
‘പരമേശ്വരീയം’ ഓണ്ലൈന് രാമായണകലോത്സവം വേറിട്ട അനുഭവമായി
കണ്ണൂര്: കേരളത്തിന്റെ നവോത്ഥാനനായകന് പത്മവിഭൂഷണ് പി.പരമേശ്വര്ജിയോടുള്ള സ്മരണാഞ്ജലിയായി ബാലഗോകുലം കേരളത്തില് നടത്തിയ രാമായണ കലോത്സവം പര്യവസാനിച്ചു. കൊറോണമാരിയുടെ ഭീതിയില് ഒറ്റപ്പെട്ട കുട്ടികള്ക്കും മുതിര്ന്നവര്ക്കും രാമായണത്തിന്റെ സന്ദേശം ആത്മവിശ്വാസവും ആനന്ദവും പ്രദാനംചെയ്തു.
രാമായണകലോത്സവവും തുഞ്ചന്പറമ്പിനെ കേന്ദ്രമാക്കി രാമായണ പാരായണവും നടന്നു. കലോത്സവത്തിന്റെ ലോഗോ കാവാലം ശ്രീകുമാര് പ്രകാശനം ചെയ്തു. കര്ക്കിടകം ഒന്നാം തീയതി തിരുവനന്തപുരം സംസ്കൃതി ഭവനില്നടന്ന ഉദ്ഘാടനസഭ പ്രശസ്ത സംഗീതജ്ഞന് ജി.വേണുഗോപാല് ഉദ്ഘാടനം ചെയ്തു. ചിദാനന്ദപുരി സ്വാമികള്, ജെ.നന്ദകുമാര്, ബാലഗോകുലം സംസ്ഥാന അധ്യക്ഷന് ആര്. പ്രസന്നകുമാര് എന്നിവര് സംസാരിച്ചു.
ആറ് കാണ്ഡങ്ങളിലായി നടന്ന മത്സരങ്ങളില് പതിനായിരം കുട്ടികളും മൂവായിരത്തിലധികം പ്രവര്ത്തക സമിതിഅംഗങ്ങളും പങ്കെടുത്തു. കൊല്ലം, പത്തനംതിട്ട, കോട്ടയം, തൃശ്ശൂര്, കോഴിക്കോട്, വയനാട് എന്നീ മേഖലകളില് നടന്ന മത്സരങ്ങളുടെ ഉദ്ഘാടനം രാജീവ് അഞ്ചല്, വയലാര് ശരത്ചന്ദ്രവര്മ്മ, സ്വാമി പ്രജ്ഞാനന്ദ തീര്ത്ഥപാദര്, എം.കെ. രാമചന്ദ്രന്, സൂര്യഗായത്രി, കൈതപ്രം ദാമോദരന് നമ്പൂതിരി എന്നിവര് നിര്വ്വഹിച്ചു. ആര്. എസ്.എസ്. പ്രാന്തപ്രചാരക് പി.എന്. ഹരികൃഷ്ണകുമാര്, കാ.ഭാ. സുരേന്ദ്രന്, എം. ബാലകൃഷ്ണന്, ഡോ. എന്.ആര്.മധു എന്നിവര് സന്ദേശം നല്കി.
ADVERTISEMENT
കര്ക്കിടകം ഒന്നുമുതല് 32 വരെ കുട്ടികളുടെ പാരായണവും കേരളത്തിലെ പ്രമുഖരായ സാംസ്കാരിക – ആധ്യാത്മിക ആചാര്യന്മാരുടെ പ്രഭാഷണവും നടന്നു.
യു ട്യൂബ് ചാനല്വഴി രാമായണദര്ശന്, വന്ദേരാമാനുജം എന്നീ പരിപാടികള് പ്രക്ഷേപണം ചെയ്തു. പ്രവര്ത്തകരുടെ രാമായണ നൃത്തമത്സരവും ഡിജിറ്റല് മാഗസിന് മത്സരവും ഉണ്ടായിരുന്നു. മയില്പ്പീലി മാഗസിന്റെ വെബ്സൈറ്റ് ഉപയോഗിച്ചാണ് മത്സരം നടന്നത്. നിത്യവും വൈകീട്ട് നടന്ന രാമായണ പ്രഭാഷണത്തില് സീമാജാഗരണ് ദേശീയ സംയോജകന് എ. ഗോപാലകൃഷ്ണന്, ഡോ. എന്. ഗോപാലകൃഷ്ണന്, സരിത അയ്യര്, കെ. പി. ശശികലടീച്ചര്, പി.ആര്.നാഥന്, ഡോ. എന്.വി.നടേശന്, ഡോ. ശ്രീനാഥ് കാരയാട്ട്, പന്തളം ഉണ്ണിക്കൃഷ്ണന്, കെ.സി.മോഹനന്, അമ്പലപ്പുഴ ഗോപകുമാര്, സ്വാമി അധ്യാത്മാനന്ദ സരസ്വതി, ചിദാനന്ദപുരി സ്വാമികള് എന്നിവര് സംസാരിച്ചു.
ചിങ്ങം ഒന്നിന് കണ്ണൂരില് നടന്ന സമാപനസഭ സംഗീതരത്നം കാഞ്ഞങ്ങാട് രാമചന്ദ്രന് ഉദ്ഘാടനം ചെയ്തു. ബാലഗോകുലം സംസ്ഥാന പൊതുകാര്യദര്ശി കെ.എന്.സജികുമാര് അധ്യക്ഷഭാഷണം നടത്തി. രാമായണ പ്രതിഭകളായ കൂടാളിയിലെ ആദിദേവ്, രാഹുല് എന്നിവര്ക്ക് ലവ-കുശ പുരസ്കാരം സമ്മാനിച്ചു. ആര്.എസ്.എസ്. സംസ്ഥാന വിദ്യാര്ത്ഥി പ്രമുഖ് വത്സന് തില്ലങ്കേരി പങ്കെടുത്തു. ബാലഗോകുലം സ്ഥാപകാചാര്യനും മാര്ഗദര്ശിയുമായ എം.എ. കൃഷ്ണന് സന്ദേശംനല്കി. ഗൗരി.എസ്.നായര്, വിഷ്ണു.എസ്.ശേഖര് എന്നിവര് അവതരിപ്പിച്ച രാമായണ നൃത്തം സമാപനസഭയ്ക്ക് നിറംപകര്ന്നു.
Related Posts
Latest
