മഹാറാണ സംഗ്രാം സിംഗ്

ഏപ്രിൽ 12
മഹാറാണ സംഗ്രാം സിംഗ് ജന്മദിനം

മേവാറിലെ ഭരണാധികാരിയും പതിനാറാം നൂറ്റാണ്ടിലെ ഭാരതത്തിലെ ഏറ്റവും പ്രമുഖ രജപുത്ര രാജാക്കന്മാരിൽ ഒരാളുമായിരുന്നു റാണാ സംഗ എന്നറിയപ്പെടുന്ന മഹാറാണ സംഗ്രാം സിംഗ്. 1508 നും 1528 നും ഇടയിൽ ഭരിച്ചിരുന്ന രജപുത്ര സിസോദിയ വംശത്തിൽ പെട്ട അദ്ദേഹം മുഗൾ ആക്രമണകാരിയായ ബാബറിനെതിരെ ധീരോദാത്തമായി പോരാടി.

പതിനാറാം നൂറ്റാണ്ടിൽ, രജപുത്ര രാജവംശം ഭാരതത്തിൽ അധിനിവേശം നടത്തിയ എല്ലാ മുസ്ലീം രാജവംശങ്ങളെയും വെല്ലുവിളിച്ചു. സിംഹാസനത്തിൽ കയറിയ ശേഷം റാണ സംഗ മേവാറിലെ തന്റെ സ്ഥാനം ശക്തിപ്പെടുത്തി.
യുദ്ധത്തിലൂടെയും നയതന്ത്രത്തിലൂടെയും റാണ സംഗ തന്റെ പ്രദേശങ്ങൾ വിപുലീകരിച്ചു, 300 വർഷത്തിന് ശേഷം അദ്ദേഹം രജപുത്ര വംശ യോദ്ധാക്കളെ ഒന്നിപ്പിച്ചു, ഇത് മുഗൾ ചക്രവർത്തിമാരെ പരാജയപ്പെടുത്തുന്നത് സാധ്യമാക്കി. ഒരു ഹിന്ദു സാമ്രാജ്യം സ്ഥാപിക്കാൻ അദ്ദേഹം ആഗ്രഹിച്ചു. അധിനിവേശ മുസ്ലീങ്ങൾക്കെതിരെയുള്ള പോരാട്ടങ്ങൾ ആരംഭിച്ചു. രജപുത്ര സേനയുടെ അകമ്പടിയോടെ, സംഗ അധിനിവേശ സൈന്യത്തെ പരാജയപ്പെടുത്തുകയും മാൾവയുടെ നിയന്ത്രണം നേടുകയും ചെയ്തു. പിന്നീട് ഇബ്രാഹിം ലോദിയുടെ നിയന്ത്രണത്തിലായിരുന്ന വടക്കുകിഴക്കൻ രാജസ്ഥാനിലേക്ക് അദ്ദേഹം ശ്രദ്ധ തിരിച്ചു.

ഖട്ടോളി യുദ്ധം – 1518-ൽ മുഗൾ ചക്രവർത്തിയായ ഇബ്രാഹിം ലോധിക്കെതിരെയാണ് ഖട്ടോളി യുദ്ധം നടന്നത്. ഈ യുദ്ധത്തിൽ ലോധിയുടെ സൈന്യം 5 മണിക്കൂർ പോരാടിയെങ്കിലും പരാജയപ്പെട്ട് യുദ്ധഭൂമിയിൽ നിന്ന് പലായനം ചെയ്തു. ഈ യുദ്ധത്തിലാണ് റാണ സംഗയ്ക്ക് ഒരു കൈ നഷ്ടപ്പെടുകയും ഒരു കാൽ പ്രവർത്തനരഹിതമാവുകയും ചെയ്തു. അതിന് മുന്നേ തന്നെ അദ്ദേഹത്തിന്റെ ഒരു കണ്ണ് നഷ്ടപെട്ടിരുന്നു.

ഡൽഹി, ഗുജറാത്ത്, മാൾവ എന്നീ 3 സംസ്ഥാനങ്ങളിലെ മുഗൾ ചക്രവർത്തിമാരാൽ ചുറ്റപ്പെട്ടതായിരുന്നു റാണ സംഗയുടെ രാജ്യം. മൂന്ന് മുഗൾ ചക്രവർത്തിമാരായ സിക്കന്ദർ ലോധി, മെഹ്മൂദ് ഷാ ബെഗ്ദ, നസിറുദ്ദീൻ ഖിൽജി എന്നിവർ റാണ സംഗയ്ക്ക് നേരെ സംയുക്ത ആക്രമണം നടത്തിയെങ്കിലും റാണ സംഗ സംയുക്ത സൈന്യത്തെ പരാജയപ്പെടുത്തി.

ഖാൻവ യുദ്ധം – റാണ സംഗ ബാബറിനെ ഇന്ത്യയിൽ നിന്ന് പുറത്താക്കാൻ തീരുമാനിച്ചു, ഇതിന് അദ്ദേഹത്തിന് രാജസ്ഥാനിലെ രജപുത്ര രാജ്യത്തിൽ നിന്ന് പിന്തുണ ലഭിച്ചു. ഈ സംയുക്ത സേന ബാബറിനെ ആക്രമിച്ചു. പാനിപ്പത്ത് യുദ്ധത്തിനു ശേഷം ആ കാലഘട്ടത്തിലെ ഏറ്റവും ഘോരമായ രണ്ടാമത്തെ യുദ്ധമായിരുന്നു ഇത്, റാണ സംഗയും അദ്ദേഹത്തിന്റെ സൈന്യവും യുദ്ധസമയത്ത് ഉജ്ജ്വലമായ ധീരത പ്രകടിപ്പിച്ചെങ്കിലും പരാജയപ്പെടേണ്ടി വന്നു.

1528-ൽ റാണ സംഗ അന്തരിച്ചു.