പേഷ്വ ബാജി റാവു ഒന്നാമൻ

ഏപ്രിൽ 28
പേഷ്വ ബാജി റാവു ഒന്നാമൻ സ്മൃതി ദിനം

നാസിക്കിനടുത്തുള്ള സിന്നാറിലാണ് ബാജി റാവു ജനിച്ചത് . അദ്ദേഹത്തിന്റെ പിതാവ് ബാലാജി വിശ്വനാഥ് , ഛത്രപതി ഷാഹു ഒന്നാമന്റെ പേഷ്വയായിരുന്നു. അമ്മ രാധാഭായി ബാർവെ.

പിതാവിന്റെ കീഴിൽ നയതന്ത്രജ്ഞനായും യോദ്ധാവായും പരിശീലനം നേടി. ഒരു മറാത്തി ബ്രാഹ്മണ കുടുംബത്തിൽ ജനിച്ച അദ്ദേഹത്തിന്റെ വിദ്യാഭ്യാസത്തിൽ സംസ്‌കൃതം വായനയും എഴുത്തും പഠനവും ഉൾപ്പെട്ടിരുന്നു, എന്നിരുന്നാലും അദ്ദേഹം തന്റെ പുസ്തകങ്ങളിൽ ഒതുങ്ങിയില്ല. ബാജി റാവു ചെറുപ്രായത്തിൽ തന്നെ ആയോധന മുറകളിൽ താൽപര്യം പ്രകടിപ്പിക്കുകയും പലപ്പോഴും സൈനിക കാര്യങ്ങൾക്കായി പിതാവിനൊപ്പം പോകുകയും ചെയ്തു.

1720-ൽ ബാലാജി വിശ്വനാഥ് അന്തരിച്ചു. മറ്റ് തലവന്മാരുടെ എതിർപ്പുകൾ അവഗണിച്ച് ഛത്രപതി ഷാഹു 20 വയസ്സുള്ള ബാജി റാവുവിനെ പേഷ്വയായി നിയമിച്ചു.

ഒരു പുതിയ പേഷ്വ എന്ന നിലയിൽ, അദ്ദേഹത്തിന് നിരവധി വെല്ലുവിളികൾ നേരിടേണ്ടി വന്നു. മൽഹർ റാവു ഹോൾക്കർ , റാണോജി ഷിൻഡെ , പവാർ സഹോദരന്മാർ, ഫത്തേ സിംഗ് ഭോസ്ലെ എന്നിവരെ പോലെയുള്ള ചെറുപ്പക്കാരെ ബാജി റാവു കമാൻഡർമാരായി ഉയർത്തി.

ഭാരതത്തിന്റെ ചരിത്രത്തിലെ ഏറ്റവും വലിയ യോദ്ധാക്കളിൽ ഒരാളായി ബാജിറാവു മാറി.
മറാഠാ സാമാജ്യം വിപുലമാക്കുന്നതിൽ അദ്ദേഹം വഹിച്ച പങ്ക് വളരെ വലുതാണ്.

തന്റെ 20 വർഷത്തെ സൈനിക ജീവിതത്തിനിടെ, പേഷ്വാ ബാജിറാവു ഒന്നാമൻ ഒരിക്കലും ഒരു യുദ്ധത്തിൽ പോലും തോറ്റട്ടില്ല.

നിസാം-ഉൽ-മുൽക്കിനെതിരെ അദ്ദേഹം നടത്തിയത് ഏറ്റവും വലിയ ഏറ്റുമുട്ടലുകളിൽ ഒന്നാണ്. പാൽഖേദ് യുദ്ധം എന്ന പേരിൽ ഈ യുദ്ധം അറിയപ്പെടുന്നു. ഈ യുദ്ധത്തിൽ ബാജിറാവു നിസാമിനെ പരാചയപ്പെടുത്തി.

ഹിന്ദു ധർമ്മ സംരക്ഷണത്തിനായി അദ്ദേഹം പോരാടുകയും മുഗളന്മാരെ മധ്യ, പടിഞ്ഞാറൻ ഭാരതത്തിൽ നിന്ന് സ്ഥിരമായി തുരത്തുകയും ചെയ്തു. അദ്ദേഹത്തിന്റെ നേതൃത്വത്തിൽ മുഗളർ, പോർച്ചുഗീസ്, നിസാം, ബംഗാഷ് മുതലായവരെ മറാത്തി സൈന്യം പരാജയപ്പെടുത്തി .

മാൾവ (1723), ധാർ (1724), ഔറംഗബാദ് (1724), പാൽഖേഡ് യുദ്ധം (1728), ഫിറോസാബാദ് (1737), ഡൽഹി (1737), ഭോപ്പാൽ (1738), വസായ് യുദ്ധം (1739) തുടങ്ങിയ യുദ്ധങ്ങളിൽ ബാജിറാവു നിരന്തരമായി വിജയിക്കുകയും മറാത്താ സാമ്രാജ്യം വികസിപ്പിക്കുകയും ഭഗവ പതാക നാട്ടുകയും ചെയ്തു.

ഒരു ലക്ഷം സൈനികരുമായി ഡൽഹി ലക്ഷ്യം വെച്ച് നീങ്ങുന്നതിനിടെ 1740 ഏപ്രിൽ 28 ന് അദ്ദേഹം അസുഖ ബാധിതനായി അന്തരിച്ചു.

പരാജയം അറിയാത്ത യോദ്ധാവ് .. ബാജി റാവു ഒന്നാമന്റെ ഓർമ്മകൾക്ക് മുന്നിൽ ശതകോടി പ്രണാമങ്ങൾ…