ഗുരു സമർത്ഥ രാംദാസ്

ഏപ്രിൽ 10
ഗുരു സമർത്ഥ രാംദാസ് ജയന്തി
(ചൈത്ര ശുക്ല നവമി )

1608 ൽ രാമനവമി ദിനത്തിൽ മഹാരാഷ്ട്രയിലെ ജാംബിൽ സൂര്യാജി പന്തിന്റെയും രേണുക ബായിയുടെയും മകനായി ജനിച്ച സമർത്ഥ രാംദാസിന്റെ യഥാർത്ഥ പേര് നരേൻ എന്നായിരുന്നു.

സന്ത് തുക്കാറാമിന്റെ സമകാലികനായിരുന്നു രാംദാസ്. ഹനുമാന്റെയും ശ്രീരാമന്റെയും വലിയ ഭക്തനായിരുന്നു അദ്ദേഹം. ബാലനായിരിക്കുമ്പോൾ തന്നെ ശ്രീരാമന്റെ ദർശനം അദ്ദേഹത്തിനുണ്ടായിരുന്നു. ശ്രീരാമൻ തന്നെ ദീക്ഷ നൽകി.
പഠനങ്ങളും തപസ്സുകളുമായി
ഗോദാവരി നദിയുടെ തീരത്തുള്ള നാസിക്കിൽ പന്ത്രണ്ടു വർഷത്തോളം രാംദാസ് താമസിച്ചു.

ഛത്രപതി ശിവജിയെ സഹായിക്കാൻ ഭഗവാൻ ശ്രീരാമൻ രാംദാസിനോട് ഉത്തരവിട്ടതായി പറയപ്പെടുന്നു. സിംഗൻവാടി എന്ന സ്ഥലത്ത് വച്ച് ശിവജി ഗുരു രാംദാസിന്റെ ശിഷ്യത്വം സ്വീകരിച്ചു.

ശിവജി തന്റെ ഗുരുവിന്റെ ചെരിപ്പുകൾ സിംഹാസനത്തിൽ വയ്ക്കുകയും തന്റെ ഗുരുവിന്റെ കൽപ്പനകൾക്കും മാർഗ്ഗനിർദ്ദേശങ്ങൾക്കും കീഴിൽ രാജ്യത്തിന്റെ റീജന്റ് ആയി പ്രവർത്തിച്ചു.

മഹാരാഷ്ട്രയിലെ മഹാനായ ഗുരു 1681-ൽ സത്താറയ്ക്കടുത്തുള്ള സജ്ജൻഗഡിൽ വച്ച് അന്തരിച്ചു.
രാംദാസ് അവസാന ശ്വാസത്തിൽ രാമമന്ത്രം ആവർത്തിച്ച് ഉരുവിട്ടു. ലോകത്തോട് വിടപറയുന്ന സമയത്ത്, അദ്ദേഹത്തിന്റെ ശരീരത്തിൽ നിന്ന് ഒരു മിന്നുന്ന പ്രകാശം പുറപ്പെടുകയും ശ്രീരാമന്റെ രൂപത്തിൽ ലയിക്കുകയും ചെയ്തു.

മഹാരാഷ്ട്രയിൽ നിന്നുള്ള ബാലഗംഗാധര തിലക് , കേശവ് ബലിറാം ഹെഡ്ഗേവാർ , രാജ്‌വാഡെ , രാമചന്ദ്ര റാനഡെ തുടങ്ങിയ നിരവധിയാളുകൾക്ക് ഗുരു രാംദാസ് പ്രചോദനവും പ്രേരണയുമായി.