No products in the cart.
Add Kesari Weekly as a preferred source on Google
രാഹുകേതുക്കളും ഗ്രഹണങ്ങളും (ശാസ്ത്രായനം 2)
ഇക്കഴിഞ്ഞ ജൂണ് 21ന് സൂര്യഗ്രഹണമുണ്ടായല്ലോ? രാഹുകേതുക്കള് സൂര്യചന്ദ്രന്മാരെ വിഴുങ്ങുന്നതുകൊണ്ടാണ് ഗ്രഹണങ്ങള് സംഭവിക്കുന്നത് എന്ന കവിഭാവനയെ കൂട്ടുപിടിച്ചു ഭാരതീയ വിജ്ഞാനങ്ങളെല്ലാം അബദ്ധജടിലവും അസംബന്ധങ്ങളുമാണ് എന്ന് സ്ഥാപിക്കാനുള്ള ഒരു ശ്രമം കണ്ടപ്പോള് ഇങ്ങനെയൊന്ന് ഈ പംക്തിയില് എഴുതണം എന്ന് തോന്നി.
കഥകളും, മിത്തുകളും അവിടെ നില്ക്കട്ടെ. നമുക്ക് ഭാരതീയ വിജ്ഞാനം പ്രദാനം ചെയ്ത അറിവുകളെ തന്നെ ആശ്രയിക്കാം..
ഖഗോളം
ഭൂമിയില് നിന്നുള്ള നിരീക്ഷണ സൗകര്യത്തിനു വേണ്ടി ഉണ്ടാക്കിയ ഒരു സാങ്കല്പിക ഗോളമാണിത്. ഉയരത്തില് ഭൂമിയെ പൊതിഞ്ഞു നില്ക്കുന്ന ആകാശം ഒരു വലിയ ഗോളമായി സങ്കല്പിച്ചതാണിത്. ഈ ഖഗോളത്തില് സൂര്യനും ചന്ദ്രനും നക്ഷത്രങ്ങളുമെല്ലാം കൃത്യമായ പാതയിലൂടെ ഭൂമിയെ ചുറ്റുന്നു. ഭൂമധ്യരേഖക്ക് (Equator )സമാനമായ ഖഗോളത്തിന്റെ മധ്യരേഖയിലൂടെ കിഴക്കുനിന്നും പടിഞ്ഞാറോട്ടാണ് സൂര്യന്റെ സഞ്ചാരം.
ADVERTISEMENT
ഓര്ക്കുക, ഇത് നിരീക്ഷണ സൗകര്യത്തിനു വേണ്ടി ഉണ്ടാക്കിയ Hypothetical system ആണ്…. ഇങ്ങിനെ തന്നെയാണ് ആധുനിക ജ്യോതിശാസ്ത്ര നിരീക്ഷണങ്ങളും നടത്തുന്നത്..
ഖഗോള മധ്യരേഖയിലൂടെ ആണ് സൂര്യന്റെ സഞ്ചാരം എന്ന് പറഞ്ഞല്ലോ. എന്നാല് ചന്ദ്രന് സഞ്ചരിക്കുന്നത് ഇത്തിരി ചെരിഞ്ഞ പാതയിലാണ്. ഈ ഭ്രമണ പഥങ്ങള്, ഖഗോളത്തില് രണ്ടു എതിര് ബിന്ദുക്കളില് പരസ്പരം ഖണ്ഡിക്കുന്നുണ്ട് (ചിത്രം നോക്കുക). അതില് തെക്കുനിന്നും വടക്കോട്ട് ചന്ദ്രന് ചലിക്കുമ്പോള് ക്രോസ്സ് ചെയ്യുന്ന ബിന്ദുവാണ് രാഹു. കൃത്യം 180 ഡിഗ്രി എതിര് വശത്തു വടക്കുനിന്നും തെക്കോട്ടു ചന്ദ്രന് സഞ്ചരിക്കുമ്പോള് ക്രോസ് ചെയ്യുന്ന ബിന്ദുവാണ് കേതു.
ഈ രണ്ടു പോയിന്റുകളും ഭൂമിയെ വലംവെക്കുന്നുണ്ട്. സൂര്യചന്ദ്രന്മാരും ഗ്രഹങ്ങളും കിഴക്കുനിന്നും പടിഞ്ഞാറോട്ടാണെങ്കില് രാഹു കേതുക്കള് പടിഞ്ഞാറ് നിന്നും കിഴക്കോട്ടാണ്. രാശിചക്രത്തില് എല്ലാ ഗ്രഹങ്ങളും clockwise-ല് ചലിക്കുമ്പോള് രാഹുവും, കൃത്യമായി രാഹുവിന്റെ ഏഴാം ഭാവത്തിലുള്ള കേതുവും ആയാണ് ചലിക്കുന്നത്.
അതായത്, രാഹുകേതുക്കള് ഭൗതിക വസ്തുക്കളല്ല. ആകാശത്തിലെ, ഖഗോളത്തിലെ രണ്ടു ബിന്ദുക്കള് മാത്രമാണ്.
ഗ്രഹണങ്ങള്
സൂര്യന്റെ പ്രകാശം മൂലം ഭൂമിയുടെ നിഴല് ചന്ദ്രനില് വീഴുന്നതാണല്ലോ, വെളുത്ത വാവുകളില് മാത്രം സംഭവിക്കുന്ന ചന്ദ്രഗ്രഹണം. തുടര്ച്ചയായ ഭ്രമണങ്ങളില്, അപൂര്വ്വമായി രാഹുവില് സൂര്യനും, മധ്യത്തില് ഭൂമിയും കേതുവില് ചന്ദ്രനും അല്ലങ്കില് തിരിച്ചോ വരുന്ന അവസ്ഥയില് ചന്ദ്രഗ്രഹണം സംഭവിക്കും. അതിലും അപൂര്വമായി, സൂര്യനും ചന്ദ്രനും ഒരുമിച്ച് രാഹുവിലോ കേതുവിലോ എത്തുന്ന നിമിഷം ചന്ദ്രന് ഭൂമിയുടെയും സൂര്യന്റെയും ഇടയിലാകുന്ന കറുത്ത വാവിന് ചന്ദ്രന് സൂര്യനെ മറയ്ക്കുന്ന മുഹൂര്ത്തത്തില് സൂര്യഗ്രഹണവും സംഭവിക്കും.
ഭ്രമണപാതകള്, സഞ്ചാരവേഗങ്ങള് ഇത് കൃത്യമായി അറിയാമെങ്കില് Spherical Geometry യും Spherical Trigonometry യും ഉപയോഗിച്ച് അതീവ കൃത്യതയോടെ എന്ന് എപ്പോള് എവിടെ ഗ്രഹണം സംഭവിക്കും എന്ന് പറയാന് കഴിയും. എറണാകുളത്ത് നിന്നും 220 കിലോമീറ്റര് അപ്പുറം തിരുവനന്തപുരത്തേക്ക് 80കിലോമീറ്റര് സ്പീഡില് പോകുന്ന ട്രെയിന് എപ്പോള് ചെല്ലും എന്ന് അറിയാവുന്ന പോലെ തന്നെ.
നമ്മുടെ ജ്യോതിഷ കണക്കുകളില് സ്ഫുടം എന്ന രീതിയാണ് ഉപയോഗിക്കുന്നത്. ഓരോ ഗ്രഹവും ഓരോ രാശിയിലൂടെ എത്ര സഞ്ചരിക്കുന്നു എന്നതിന്റെ കണക്കാണിത്. ഡിഗ്രി, മിനിറ്റ്, സെക്കന്ഡ് എന്നത് പോലെ കൃത്യമാണിത്. സൂര്യന്, ചന്ദ്രന്, രാഹു അല്ലങ്കില് കേതു എന്നിവരുടെ സഞ്ചാരസ്ഫുടങ്ങള് ഏതെങ്കിലും രാശിയില് ഒരുമിച്ചു, ഒരേപോലെ വരുന്ന മുഹൂര്ത്തത്തില് സൂര്യഗ്രഹണം സംഭവിച്ചിരിക്കും. ഇതില് രാഹു കേതുക്കളില് ഒന്നിന്റെ സ്ഫുടവും, സൂര്യന്റെ സ്ഫുടവും ഒന്നാവുകയും കൃത്യം 180ഡിഗ്രി വ്യത്യാസത്തില് ചന്ദ്രന്റെ സ്ഫുടവും വരുന്ന സമയത്ത് ചന്ദ്രഗ്രഹണവും സംഭവിക്കും.
Latest
