വികസിത ഭാരതം ഉദ്‌ഘോഷിക്കുന്നത് സമസ്ത ലോകത്തിന്റെയും ഏകത : ഡോ. മോഹന്‍ ഭഗവത്

കൊച്ചി: വികസിത ഭാരതം എന്നതില്‍ മുഴുവന്‍ ലോകത്തിന്റെ ഏകതയെയാണ് ഉദ്‌ഘോഷിക്കുപ്പെടുന്നതെന്നും എല്ലാറ്റിലും ഈശ്വരീയതയെ ദര്‍ശിച്ച് വിശ്വമംഗളം ആഗ്രഹിച്ചാണ് ഭാരതം എക്കാലവും പ്രവര്‍ത്തിക്കുന്നതെന്നും ആര്‍എസ്എസ് സര്‍സംഘചാലക് ഡോ. മോഹന്‍ ഭാഗവത്. ശിക്ഷ സംസ്‌കൃതി ഉത്ഥാന്‍ ന്യാസിന്റെ ആഭിമുഖ്യത്തില്‍ ഇടപ്പള്ളി അമൃത ആശുപത്രിയിലെ അമൃതായനം ഹാളില്‍ ചേര്‍ന്ന ജ്ഞാനസഭയില്‍ വിദ്യാഭ്യാസത്തിലെ ഭാരതീയത എന്ന വിഷയത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.

Add Kesari Weekly as a preferred source on Google

ഭാരതത്തിന് മറ്റൊരു പരിഭാഷ ഇല്ല. ഭാരതവും ഇന്ത്യയും വേറെയാണ്. സ്വത്വത്തില്‍ നിന്നും നാം വ്യതിചലിച്ച് പോകുന്നത് ശരിയല്ല. നല്ല വ്യക്തിത്വമുള്ള ഭാരതീയനെ സൃഷ്ടിക്കലാണ് വിദ്യാഭ്യാസത്തിന്റെ ലക്ഷ്യം. വിദ്യാഭ്യാസത്തിലൂടെ മനുഷ്യന്റെ ജീവിതം സുസ്ഥിരമാകണം. ആരെങ്കിലും തരുന്ന ജോലി വാങ്ങുക അല്ല, സ്വന്തം കാലില്‍ നില്‍ക്കാന്‍ കഴിയുക എന്നതാവണം ലക്ഷ്യം. ജോലി നേടലും ശമ്പളം വാങ്ങലും മാത്രമാകരുത് ലക്ഷ്യം. മറ്റുള്ളവര്‍ക്ക് വേണ്ടി ജീവിക്കേണ്ടതിന്റെ മഹത്വമാണ് വിദ്യാഭ്യാസം മനുഷ്യന് നല്‍കേണ്ടത്. എന്നാല്‍ കാട്ടിലെ സിംഹത്തെ നമുക്ക് പേടിയാണ്. മനുഷ്യന് ഈശ്വരനും ആകാം രാക്ഷസനും ആകാം. അയാളുടെ കര്‍മ്മമാണ് അത് നിശ്ചയിക്കുന്നത്.

വിദ്യാഭ്യാസത്തിലൂടെ മനുഷ്യന്റെ ജീവിതം സുസ്ഥിരമാകണം. ആരെങ്കിലും തരുന്ന ജോലി വാങ്ങുക അല്ല സ്വന്തം കാലില്‍ നില്‍ക്കാന്‍ കഴിയുക എന്നതാവണം ലക്ഷ്യം. വിദ്യാഭ്യാസം എന്നത് ജീവിതകാലം മുഴുവനുമുള്ള പഠനമാണ്. നരനില്‍ നിന്നും നാരായണനാകുക എന്ന ചിന്തയോടു കൂടിയാണ് മനുഷ്യന്‍ പ്രവര്‍ത്തിക്കുന്നത്. അതിനായി അവന്‍ ഗൃഹസ്ഥധര്‍മ്മങ്ങള്‍ നിര്‍വഹിക്കുന്നു. പ്രജ്ഞയോട് കൂടി പ്രവര്‍ത്തിക്കുന്നു. സമാജത്തെയും സേവിക്കുന്നു. ഇതിനുള്ള ആത്മവിശ്വാസം പകരുവാന്‍ വിദ്യാഭ്യാസത്തിന് സാധിക്കും. അവിടെ സ്വാര്‍ത്ഥമായ കാര്യങ്ങള്‍ക്കല്ല പ്രാധാന്യം. മനുഷ്യനിലുള്ള ദൈവികമായ ഗുണ വാസനകളെ ഉണര്‍ത്തി സമാജത്തിനും രാഷ്ട്രത്തിനും ഈ ലോകത്തിനും ഉപയുക്തമാക്കുക എന്നതാണ് വിദ്യാഭ്യാസം കൊണ്ട് സാധ്യമാകേണ്ടത്, അദ്ദേഹം കൂട്ടിച്ചേര്‍ത്തു.