തിരുവനന്തപുരം: ഇടതു സര്ക്കാര് ഭരിക്കുന്ന കേരളത്തിലാണ് ഇന്ത്യയില് ഏറ്റവും കൂടുതല് സ്വര്ണ്ണക്കള്ളക്കടത്ത് നടക്കുന്നതെന്ന് കണക്കുകള് വ്യക്തമാക്കുന്നു. ഇക്കഴിഞ്ഞ മൂന്ന് വര്ഷത്തിനിടയില് കോഴിക്കോട്, തിരുവനന്തപുരം, കൊച്ചി, കണ്ണൂര് വിമാനത്താവളങ്ങളിലൂടെ കോടികളുടെ സ്വര്ണ്ണമാണ് പിടികൂടിയത്. ഈ സാമ്പത്തികവര്ഷം സപ്തം. 30 വരെ മാത്രം 44 കോടി രൂപയുടെ സ്വര്ണ്ണം പിടികൂടിയതായി കസ്റ്റംസ് കമ്മീഷണര് സുമിത് കുമാര് തന്നെ വ്യക്തമാക്കിയിട്ടുണ്ട്.
രാജ്യത്ത് പ്രതിവര്ഷം 100 കോടി രൂപയുടെ സ്വര്ണ്ണക്കടത്ത് നടക്കുന്നുവെന്നാണ് അനുമാനം. അതിന്റെ മൂന്നിലൊന്നും കേരളത്തിലാണ് നടക്കുന്നതെന്ന് അന്വേഷണ ഏജന്സികള് കണ്ടെത്തിയിട്ടുണ്ട്. മലപ്പുറം ജില്ലയില് സ്ഥിതിചെയ്യുന്ന കോഴിക്കോട് വിമാനത്താവളം വഴിക്കായിരുന്നു ഏറ്റവുമധികം സ്വര്ണ്ണം ഗള്ഫ് രാജ്യങ്ങളില് നിന്ന് വന്നെത്തിയത്. അതിപ്പോള് കണ്ണൂര് വിമാനത്താവളം വഴിയായി മാറിക്കൊണ്ടിരിക്കുകയാണ്.