ചേര്ത്തല: മതത്തിന്റെ പേരില് നടക്കുന്ന ഭീകരവാദ പ്രവര്ത്തനങ്ങള് നാടിന് വെല്ലുവിളിയായി മാറിക്കൊണ്ടിരിക്കുകയാണെന്ന് ആര്എസ്എസ് പ്രാന്ത പ്രചാരക് പി.എന്. ഹരികൃഷ്ണകുമാര് പറഞ്ഞു. വയലാറില് പോപ്പുലര് ഫ്രണ്ടുകാര് വധിച്ച ആര്എസ്എസ് നാഗംകുളങ്ങര ശാഖാ ഗടനായക് തട്ടാപറമ്പില് നന്ദുകൃഷ്ണയ്ക്കും അക്രമത്തില് കൈക്ക് ഗുരുതര പരിക്കേറ്റ കടപ്പള്ളി കെ.എസ്. നന്ദുവിനും സ്വയംസേവകരുടെ കൂട്ടായ്മയില് നിര്മ്മിച്ച വീടിന്റെ ഗൃഹപ്രവേശന ചടങ്ങിനോടനുബന്ധിച്ച് നടന്ന സമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം.
ഭീഷണികളെയും വെല്ലുവിളികളെയും മറികടന്ന് ഹിന്ദു സംസ്കാരവും ഹിന്ദു സംഘടനാ പ്രവര്ത്തനവും മുന്നോട്ടു പോകും. ധര്മ്മപക്ഷത്ത് നില്ക്കുമ്പോള് പീഡനങ്ങള് ഏല്ക്കേണ്ടി വരുന്നതിന് പുരാണങ്ങള് സാക്ഷിയാണ്. സമാജഹിതത്തിന് വേണ്ടി ത്യാഗങ്ങള് സഹിക്കേണ്ടിവന്ന ശ്രീരാമചന്ദ്രനെ മാതൃകയാക്കണം. ഓരോ പീഡനങ്ങളും അടുത്ത പോരാട്ടത്തിനുള്ള ഊര്ജമായി മാറ്റിയെടുക്കണം. ഏത് പ്രതികൂല സാഹചര്യത്തിലും സ്വധര്മ്മത്തെ കൈവിടാതിരിക്കാന് തക്ക രീതിയില് ഹിന്ദുസമാജത്തെ ശക്തിപ്പെടുത്താന് കഴിയണമെന്നും അദ്ദേഹം പറഞ്ഞു.
ആര്എസ്എസ് ആലപ്പുഴ ജില്ലാ സംഘചാലക് കേണല് റാംമോഹന് അദ്ധ്യക്ഷനായി. ആര്എസ്എസ് പ്രാന്തീയ വ്യവസ്ഥാ പ്രമുഖ് വി. ഉണ്ണിക്കൃഷ്ണന്, പ്രാന്ത പ്രചാരക് പ്രമുഖ് എ.എം. കൃഷ്ണന്, പ്രാന്ത കാര്യകാരി സദസ്യന് കെ.കൃഷ്ണന്കുട്ടി, വിഭാഗ് പ്രചാരക് ശ്രീനിഷ്, വിഭാഗ് കാര്യവാഹ് ഒ.കെ.അനില്, സഹകാര്യവാഹ് മോഹന്, ശാരീരിക് പ്രമുഖ് എ.വി. ഷിജു, ജില്ലാ പ്രചാരക് ശ്രീനാഥ്, ജില്ലാ കാര്യവാഹ് ഉണ്ണിക്കൃഷ്ണന്, സഹകാര്യവാഹ് സിനീഷ് മാധവന്, പ്രചാര് പ്രമുഖ് കെ.ആര്. സുബ്രഹ്മണ്യന്, ബൗദ്ധിക് പ്രമുഖ് കെ.എം. മഹേഷ്, ബിജെപി ജില്ലാ പ്രസിഡന്റ് എം.വി. ഗോപകുമാര്, ജനറല് സെക്രട്ടറിമാരായ എല്.പി. ജയചന്ദ്രന്, വിമല് രവീന്ദ്രന്, ദേശീയ കൗണ്സില് അംഗം വെള്ളിയാകുളം പരമേശ്വരന്, ഹിന്ദു ഐക്യവേദി ജില്ലാ സംഘടനാ സെക്രട്ടറി സി.എന്. ജിനു, ബിഎംഎസ് ജില്ലാ സെക്രട്ടറി ബിനീഷ് ബോയ് എന്നിവരും പങ്കെടുത്തു.