2020 ജനുവരി 10-ാം തീയതി കേസരി ആഴ്ചപ്പതിപ്പിലെ ”ആസാദി വേണ്ടത് ആര്ക്കെല്ലാം” എന്ന കെവിഎസ് ഹരിദാസിന്റെ ലേഖനം വായിച്ചു. ഒരു സംശയവും വേണ്ട, ആസാദി വേണ്ടത് ഈ രാഷ്ട്രത്തോട് കൂറില്ലാത്ത കുറേ അരാജകവാദികള്ക്കും രാജ്യദ്രോഹികള്ക്കുമാണ്.
കോണ്ഗ്രസ് പോലുള്ള പ്രസ്ഥാനം മതേതരമാണെന്ന് അവകാശപ്പെടുന്നെങ്കില് എന്തിനാണ് മത മൗലികവാദികളെ കൂട്ടുപിടിച്ച് അനാവശ്യ കലാപം ഉണ്ടാക്കുന്നത്? പൗരത്വ ബില്ലിനെ എതിര്ക്കുന്നവരുടെ മുദ്രാവാക്യത്തിലുള്ള ഹിന്ദു വിരുദ്ധത അവര് കേള്ക്കാഞ്ഞിട്ടല്ല; കമ്മ്യൂണിസ്റ്റുകാരും ഇതില് നിന്ന് വ്യത്യസ്തരല്ല. ഇവര് രണ്ടും ഒന്നിച്ചു ചേര്ന്ന് ഇവിടുത്തെ ഭൂരിപക്ഷ സമുദായത്തെ തകര്ക്കാനാണ് ശ്രമിക്കുന്നത്. 1921നെ ഓര്മ്മിപ്പിക്കുന്ന മുദ്രാവാക്യങ്ങള് ഇതിനെ സാധൂകരിക്കുന്നതാണ്.
രാജ്യത്തെ തകര്ക്കാന് ശ്രമിക്കുന്ന “ഭീം ആര്മി നേതാവ് ചന്ദ്രശേഖര് ആസാദിനെ പോലുള്ള കൊടും കുറ്റവാളികളാണ് ഈ സമരത്തിനും കലാപത്തിനുമൊക്കെ നേതൃത്വം കൊടുക്കുന്നത്. ഇവിടുത്തെ സാധാരണ ജനങ്ങള് ഇത് തിരിച്ചറിയേണ്ടതാണ്.