കോഴിക്കോട് : വായന ആദ്ധ്യാത്മിക സാധനയായി എടുക്കുന്നവരെ സംബന്ധിച്ച് ഓരോ വായനയും തീര്ത്ഥസ്നാനമാണെന്ന് പ്രജ്ഞാപ്രവാഹ് ദേശീയ സംയോജകന് ജെ.നന്ദകുമാര് പറഞ്ഞു. കേസരി മുഖ്യ പത്രാധിപര് ഡോ.എന്.ആര്.മധുവിന്റെ ഛത്രപതി, ബുദ്ധന് ചിരിക്കാത്ത കാലം, ജെ. നന്ദകുമാറിന്റെ ഹിന്ദുത്വം പുതിയകാലം എന്നീ പുസ്തകങ്ങളുടെ പ്രകാശന ചടങ്ങിന്റെയും അക്ഷരസന്ധ്യയുടെയും ഉദ്ഘാടനം നിര്വഹിക്കുകയായിരുന്നു അദ്ദേഹം. ഭാരതീയ സങ്കല്പമനുസരിച്ച് സാഹിത്യം അനുകരണമല്ല മറിച്ച് ഭാവങ്ങളുടെ പ്രതിനിധാനമാണ്. ആത്യന്തിക മുക്തി നേടിത്തരുന്നതാണ് സാഹിത്യം. വായന മരിക്കുന്നില്ല, അത് ജീവിപ്പിച്ചു നിര്ത്തുകയും ഒരു ജീവിതകാലത്തുതന്നെ അനേകം ഉണര്വുകള് നല്കുകയും ചെയ്യുന്നു യഥാര്ത്ഥ വായന ആത്മശുദ്ധീകരണത്തിന്റെയും നവീകരണത്തിന്റെയും സന്ദര്ഭമാണ്. അദ്ദേഹം കൂട്ടിച്ചേര്ത്തു.
നടി വിധുബാല അധ്യക്ഷത വഹിച്ച ചടങ്ങില് എഴുത്തുകാരന് പി. ആര്.നാഥന്, ജന്മഭൂമി ഡെപ്യൂട്ടി എഡിറ്റര് കാവാലം ശശികുമാര്, ഫ്രാന്സിസ് ടി.മാവേലിക്കര, എ.ടി.സന്തോഷ്, ഡോ. എന്.ആര്.മധു, ഷാബു പ്രസാദ് തുടങ്ങിയവര് സംസാരിച്ചു.