സ്ത്രീപീഡനങ്ങള്‍ തടയാന്‍ നടപടി സ്വീകരിക്കണം: കെ.പി. ശശികല ടീച്ചര്‍

തിരുവനന്തപുരം: കേരളത്തില്‍ വര്‍ദ്ധിച്ചു വരുന്ന സ്ത്രീപീഡനങ്ങള്‍ തടയാന്‍ ഭരണകൂടം കര്‍ശന നടപടി സ്വീകരിക്കണമെന്ന് ഹിന്ദുഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്‍. ‘നാരിതന്‍ മാനം നാടിന്റെ ശക്തി’ എന്ന മുദ്രാവാക്യമുയര്‍ത്തി മഹിളാ ഐക്യവേദി സെക്രട്ടേറിയേറ്റിനു മുന്നില്‍ സംഘടിപ്പിച്ച പ്രതിഷേധം ഉദ്ഘാടനം ചെയ്യുകയായിരുന്നു അവര്‍.

Add Kesari Weekly as a preferred source on Google

ഇന്ന് ഏറ്റവുമധികം സ്ത്രീപീഡനങ്ങളും സ്ത്രീധനമരണങ്ങളും നടക്കുന്ന നാടായി കേരളം മാറിയിരിക്കുകയാണ്. ആബാലവൃദ്ധം എന്ന പ്രയോഗം അക്ഷരാര്‍ത്ഥത്തില്‍ ശരിയായത് പിണറായി ഭരണത്തിലെ സ്ത്രീപീഡന കാര്യത്തിലാണ്.

90 ദിവസം പ്രായമുള്ള കുട്ടി മുതല്‍ 90 വയസുള്ള വൃദ്ധ വരെ പീഡനത്തിനിരയാകുന്നു. ആശുപത്രിയും ആംബുലന്‍സും വീടും പാര്‍ട്ടി ഓഫീസുകളും പീഡനകേന്ദ്രങ്ങളാകുന്നു. ഏറ്റവുമൊടുവില്‍ മലപ്പുറം ജില്ലയിലെ കാവനൂരില്‍ തളര്‍ന്നുകിടക്കുന്ന അമ്മയുടെ മുന്നില്‍ വച്ച് മാനസിക വളര്‍ച്ചയില്ലാത്ത യുവതിയെ പിച്ചിച്ചീന്തിയപ്പോള്‍ പോലും കേരളം പ്രതികരിച്ചില്ല.

ADVERTISEMENT

ഉത്തരേന്ത്യയില്‍ എന്തെങ്കിലും കുറ്റകൃത്യങ്ങള്‍ നടന്നാലേ കേരളത്തില്‍ പ്രതിഷേധങ്ങള്‍ ഉണ്ടാവുകയുള്ളൂ. പാര്‍ട്ടി നേതൃത്വത്തില്‍ 50 ശതമാനം സ്ത്രീകള്‍ വന്നാല്‍ പാര്‍ട്ടി നശിക്കുമെന്ന് പറയുന്ന സിപിഎം വനിതാ മതിലുകെട്ടി ശബരിമലയ്‌ക്കെതിരെ നീങ്ങിയത് ശബരിമല നശിച്ചോട്ടേയെന്ന് കരുതിയാണോ എന്നും ടീച്ചര്‍ ചോദിച്ചു.

മഹിളാ ഐക്യവേദി ജില്ലാ പ്രസിഡന്റ് ജയ സതീഷ് അദ്ധ്യക്ഷത വഹിച്ചു. സംസ്ഥാന സമിതി അംഗം സൂര്യാപ്രേം, ജില്ലാ ജനറല്‍ സെക്രട്ടറി ഗീനാ ബാബു, ക്ഷേത്രസംരക്ഷണ സമിതി മാതൃസമിതി പ്രസിഡന്റ് പത്മാവതി അമ്മ തുടങ്ങിയവര്‍ നേതൃത്വം നല്‍കി.