ഗോദാവരി: ഹിന്ദുക്കള് ഇതരമതങ്ങളെയും മതസ്ഥരെയും ശത്രുക്കളായി കരുതുന്നില്ലെന്ന് ആര്എസ്എസ് സര്സംഘചാലക് ഡോ. മോഹന് ഭാഗവത് പറഞ്ഞു. വെസ്റ്റ് ഗോദാവരിയില് നടന്ന ‘ഗോദാവരി സംഗമ’ത്തില് സ്വയംസേവകരെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
ആന്ധ്രാപ്രദേശിലും കര്ണാടകയിലും തെലങ്കാനയിലുമെല്ലാം ക്രൈസ്തവ മിഷണറിമാര് ശക്തമായ മതപരിവര്ത്തന പ്രവര്ത്തനങ്ങള് നടത്തുകയാണ്. ഹിന്ദുക്കള് മതപരിവര്ത്തനം ചെയ്യപ്പെടുന്നത് തടയാന് ആവശ്യമായ പ്രവര്ത്തനങ്ങള് നടത്തേണ്ടത് അനിവാര്യമാണ്. മതപരിവര്ത്തനം ചെയ്യപ്പെട്ടവരെ വിവേചനങ്ങളെല്ലാം മറന്ന് തിരികെ കൊണ്ടു വരണം. വ്യത്യസ്തമായ ഭാഷകളാണ് സംസാരിക്കുന്നതെങ്കിലും, വ്യത്യസ്ത തരത്തിലുള്ള ആഹാരമാണ് കഴിക്കുന്നതെങ്കിലും അടിസ്ഥാനപരമായി നമ്മളെല്ലാം ഒന്നാണ്. ഭാരതത്തെ പരമവൈഭവത്തിലേക്ക് ഉയര്ത്തുകയാണ് നമ്മുടെ ലക്ഷ്യം. അതിനുവേണ്ടി ക്ലേശങ്ങള് സഹിക്കേണ്ടി വന്നേക്കാമെന്നും അദ്ദേഹം പറഞ്ഞു.
സംഘടിത മതങ്ങളുടെ ലക്ഷ്യം വിനാശമാണ്. എന്നാല് ഹിന്ദുക്കള് ഒരിക്കലും ആരെയും മതപരിവര്ത്തനം ചെയ്യാന് ശ്രമിച്ചിട്ടില്ല. ഭാരതത്തെ മതഭീകരവാദത്തില് നിന്നും മറ്റു സാമൂഹ്യ തിന്മകളില് നിന്നും മോചിപ്പിക്കാന് ജനങ്ങള് ഒറ്റക്കെട്ടായി പ്രവര്ത്തിക്കണമെന്നും അദ്ദേഹം കൂട്ടിച്ചേര്ത്തു.