ഏലം കര്‍ഷകരോടുള്ള സര്‍ക്കാര്‍ സമീപനം മാറ്റണം

കുമളി: സ്‌പൈസസ് ബോര്‍ഡ് മുമ്പ് നടപ്പാക്കിയിരുന്ന ഒരു ദിവസം ഒരു ലേലം എന്ന സമ്പ്രദായം തിരികെ കൊണ്ടുവരണമെന്ന് ഭാരതീയ കിസാന്‍ സംഘ് ആവശ്യപ്പെട്ടു. ഇടുക്കിയിലെ ഏലം കര്‍ഷകരോടുള്ള സംസ്ഥാന സര്‍ക്കാരിന്റെ നിഷേധാത്മക നിലപാടാണ് റജിസ്‌ട്രേഷന്‍ നടപടികള്‍ വൈകിപ്പിക്കാന്‍ കാരണം.

Add Kesari Weekly as a preferred source on Google

ജൂലായ് 26 മുതല്‍ 28 വരെ കുമളി ഹോളിഡേ ഹോമില്‍ നടന്ന കേരളം, തമിഴ്‌നാട് സംസ്ഥാന ഭാരവാഹികള്‍ പങ്കെടുത്ത ക്ഷേത്രീയചിന്തന്‍ ബൈഠക്ക് ഭാരതീയ കിസാന്‍ സംഘ് സംഘടനാ സെക്രട്ടറി ദിനേശ് ദത്താത്രേയ ഉദ്ഘാടനം ചെയ്തു. രാജ്യത്ത് വ്യാപകമായിക്കൊണ്ടിരിക്കുന്ന അന്തകവിത്തുകള്‍ക്കെതിരെ ശക്തമായ നിലപാടുകള്‍ ആവശ്യമാണെന്നും കര്‍ഷകമേഖലയെ രക്ഷിക്കാനായി കേന്ദ്രസര്‍ക്കാരിനെ സമീപിക്കുമെന്നും അദ്ദേഹം പറഞ്ഞു. കേന്ദ്രസര്‍ക്കാര്‍ നടപ്പിലാക്കുന്ന വിവിധ കാര്‍ഷിക ക്ഷേമപദ്ധതികള്‍ സമയബന്ധിതമായി നടപ്പാക്കുന്നതില്‍ കേരളസര്‍ക്കാര്‍ ബോധപൂര്‍വ്വം കാലതാമസം വരുത്തുന്നതായി അദ്ദേഹം പറഞ്ഞു.

കര്‍ഷകരെ സ്വയംപര്യപ്തമാക്കുന്നതിന് സംഘടനാ പ്രവര്‍ത്തനം ശക്തിപ്പെടുത്താനും ചിലവ് കുറഞ്ഞതും പ്രകൃതിക്കിണങ്ങുന്നതും നൂതനവുമായ കൃഷിരീതികള്‍ കര്‍ഷകരിലെ ത്തിക്കാനുമുള്ള കര്‍മ്മപദ്ധതികള്‍ക്ക് യോഗം രൂപം നല്‍കി.

ക്ഷേത്രീയ സംഘടന സെക്രട്ടറി ശ്രീഗണേശ്, തമിഴ്‌നാട് സംസ്ഥാന പ്രസിഡന്റ് സുന്ദര്‍രാജന്‍, കേരള സംഘടനാ സെക്രട്ടറി സി.എച്ച് രമേഷ്, പി. രാജേന്ദ്രന്‍, സംസ്ഥാന വര്‍ക്കിംഗ് പ്രസിഡന്റ് ഇ. നാരായണന്‍കുട്ടി എന്നിവര്‍ മാര്‍ഗ്ഗനിര്‍ദ്ദേശം നല്‍കി.