ബാര്‍ കൗണ്‍സില്‍ പുതിയ റൂളുകള്‍ പിന്‍വലിക്കണം: അഭിഭാഷക പരിഷത്ത്
കൊല്ലം: അടിയന്തരാവസ്ഥയെ നാണിപ്പിക്കുന്ന തരത്തില്‍ അഭിഭാഷകരുടെ മൗലികാവകാശങ്ങള്‍ നിഷേധിച്ച് ബാര്‍ കൗണ്‍സില്‍ ഓഫ് ഇന്ത്യ വരുത്തിയ ഭേദഗതികള്‍ ഉടന്‍ പിന്‍വലിക്കണമെന്ന് ഭാരതീയ അഭിഭാഷക പരിഷത്ത് സംസ്ഥാന ഭാരവാഹി യോഗം ആവശ്യപ്പെട്ടു. ബിസിഐ റൂള്‍സ് രണ്ടാം അധ്യായത്തില്‍ പാര്‍ട്ട് ആറില്‍ ഭേദഗതി വരുത്തി ഉള്‍പ്പെടുത്തിയ അഞ്ച്, അഞ്ച് എ വകുപ്പുകള്‍ അഭിഭാഷകരുടെയും സംസ്ഥാന ബാര്‍ കൗണ്‍സില്‍ അംഗങ്ങളുടെയും മൗലികാവകാശ ലംഘനമാണ്.
സെക്ഷന്‍ അഞ്ചില്‍ അഭിഭാഷകര്‍ ഏതെങ്കിലും ജഡ്ജിയെയോ, ജുഡീഷറി അംഗത്തെയോ സംസ്ഥാന ബാര്‍ കൗണ്‍സിലുകളെയോ കേന്ദ്ര ബാര്‍ കൗണ്‍സിലിനെയോ അതിന്റെ തീരുമാനങ്ങളെയോ പരസ്യമായി വിമര്‍ശിക്കുന്നതും മറ്റും അഭിഭാഷകനിയമത്തിലെ 35, 36 വകുപ്പുകളുടെ ലംഘനമായി കണ്ട് അച്ചടക്ക നടപടിക്ക് വിധേയരാക്കാമെന്നും അഞ്ച് എ അനുസരിച്ച് സംസ്ഥാന ബാര്‍ കൗണ്‍സിലുകളുടെയോ കേന്ദ്ര ബാര്‍ കൗണ്‍സിലിന്റേയോ തീരുമാനങ്ങളേയും ബാര്‍ കൗണ്‍സില്‍ പ്രമേയങ്ങളേയും ബാര്‍ കൗണ്‍സില്‍ അംഗങ്ങള്‍ എതിര്‍ക്കുകയോ പരസ്യമായി വിമര്‍ശിക്കുകയോ, പത്ര പ്രസ്താവന നല്‍കുകയോ ചെയ്യുന്നത് അച്ചടക്ക ലംഘനമായി കണക്കാക്കി അംഗത്വത്തില്‍ നിന്ന് സസ്‌പെന്‍ഡ് ചെയ്യാവുന്നതും പ്രാക്ടീസില്‍ നിന്നു വിലക്കാവുന്നതുമാണ്.
ഭരണഘടനാദത്തമായ മൗലികാവകാശത്തെ നിഷേധിക്കുന്ന ഈ ഭേദഗതികള്‍ ആരെയൊക്കെയോ സംരക്ഷിക്കാനാണ്. അഭിഭാഷകരുടെ നാവ് ചങ്ങലയ്ക്കിടുന്ന നടപടി പ്രതിഷേധാര്‍ഹമാണ്. കോടതിയലക്ഷ്യ നിയമങ്ങളും അച്ചടക്കനടപടിക്ക് അഭിഭാഷക നിയമത്തില്‍ വകുപ്പുകളും ഉണ്ടെന്നിരിക്കേയാണ് പുതിയ കരിനിയമമെന്ന് പരിഷത്ത് യോഗം ചൂണ്ടിക്കാട്ടി.
ഈ കാടന്‍ നിയമത്തിനെതിരെ എല്ലാ ബാര്‍ അസോസിയേഷനുകളിലും പൊതുയോഗം വിളിക്കാന്‍ നോട്ടീസ് നല്‍കാനും, റൂള്‍സിനെതിരെ ഹൈക്കോടതിയെ സമീപിക്കാനും യോഗം തീരുമാനിച്ചു. യോഗത്തില്‍ സംസ്ഥാന പ്രസിഡന്റ് അഡ്വ. എസ്.രാജേന്ദ്രന്‍ അധ്യക്ഷനായി. ദേശീയ സെക്രട്ടറി അഡ്വ.ആര്‍.രാജേന്ദ്രന്‍, സംസ്ഥാന ജനറല്‍ സെക്രട്ടറി ബി. അശോക്, എം.എന്‍. മന്മഥന്‍, രാജേന്ദ്രകുമാര്‍, എ.പ്രതീശ്, വി.എന്‍. രാജീവന്‍ എന്നിവര്‍ സംസാരിച്ചു.
Related Posts
Kesari Shop
-
കേസരി സ്മരണിക - സിംഹാവലോകനം @ 70
Original price was: ₹300.₹250Current price is: ₹250.
-
കേസരി ഡിജിറ്റല്‍ ആർക്കൈവ് 1951-2010
₹1,500
Latest
