No products in the cart.
പരമേശ്വര്‍ജിക്ക് ശ്രദ്ധാഞ്ജലി അര്‍പ്പിച്ചു
ചെന്നൈ: മുതിര്‍ന്ന ആര്‍.എസ്.എസ്.പ്രചാരകനും കന്യാകുമാരി വിവേകാനന്ദ കേന്ദ്രം അധ്യക്ഷനും ഭാരതീയ വിചാരകേന്ദ്രം ഡയറക്ടറുമായ അന്തരിച്ച പി.പരമേശ്വര്‍ജിക്ക് വിവേകാനന്ദ കേന്ദ്രത്തിന്റെ ആഭിമുഖ്യത്തില്‍ ശ്രദ്ധാഞ്ജലി അര്‍പ്പിച്ചു. ഫെബ്രു.24ന് ട്രിപ്ലിക്കാനിലെ സത്യപ്രമോദഹാളില്‍ നടന്ന ചടങ്ങില്‍ പരമേശ്വര്‍ജിയോടൊപ്പം ജനസംഘം പ്രവര്‍ത്തനത്തിലുണ്ടായിരുന്ന രാമമൂര്‍ത്തിജി, വിശ്വഹിന്ദുപരിഷത്തിന്റെ അന്താരാഷ്ട്ര പ്രസിഡന്റായിരുന്ന വേദാന്തം, വിവേകാനന്ദ എഡ്യുക്കേഷണല്‍ അക്കാദമിയുടെ പ്രസിഡന്റ് ഗോവിന്ദരാജ് രാമകൃഷ്ണ വിദ്യാലയ സെക്രട്ടറി സ്വാമി ശശികാനന്ദ, വിവേകാനന്ദ എഡ്യുക്കേഷണല്‍ സൊസൈറ്റി പ്രസിഡന്റ് ചക്രവര്‍ത്തി, വിവേകാനന്ദ കേന്ദ്ര ജനറല്‍ ബോഡി അംഗങ്ങളായ ഡി.ബാലാജി, ലക്ഷ്മി നാരായണന്‍, ആര്‍.എസ്.എസ്. പ്രചാരക് ഷഡഗോപന്‍, വിവേകാനന്ദ എഡ്യുക്കേഷണല്‍ സൊസൈറ്റി ഇന്‍-ചാര്‍ജ്ജ് ശ്രീനിവാസന്‍ തുടങ്ങിയവര്‍ പങ്കെടുത്തു. മറ്റ് നിരവധി സംഘ പ്രവര്‍ത്തകരും വിവേകാനന്ദ കേന്ദ്രത്തിലെ സ്റ്റാഫ് അംഗങ്ങളും ചടങ്ങില്‍ ശ്രദ്ധാഞ്ജലി അര്‍പ്പിച്ചു. കന്യാകുമാരി വിവേകാനന്ദ കേന്ദ്രം ട്രഷറര്‍ ഹനുമന്തറാവു പരമേശ്വര്‍ജിയെക്കുറിച്ച് അനുസ്മരണഭാഷണം നടത്തി.
Comments