പി.സി.ജോര്‍ജിന് ഇസ്ലാമിക ശിക്ഷ തന്നെ വേണം!

ജിഹാദിവല്‍ക്കരിക്കപ്പെട്ടുകൊണ്ടിരിക്കുന്ന കേരളത്തില്‍ ഹിന്ദുക്കള്‍ക്കും ക്രിസ്ത്യാനികള്‍ക്കും രക്ഷയില്ലെന്ന സത്യം പരസ്യമായി പറഞ്ഞ പി.സി. ജോര്‍ജിന്റെ പേരില്‍ ജാമ്യമില്ലാ വകുപ്പ് ചേര്‍ത്താല്‍ പോരാ, തനി ഇസ്ലാമിക നിയമപ്രകാരം ശരിയത്ത് കോടതി വിധിക്കുന്ന ശിക്ഷ തന്നെ നടപ്പാക്കണം! ജോര്‍ജിന്റെ വായ മൂടണം എന്നാണ് ഒരു ചാനല്‍ അവതാരകയുടെ ആവശ്യം. അതുപോര ഹദ്ദടി തന്നെ വേണം. ഉടനെ പിടിച്ച് ജയിലിലിടണം; അതിന് 24 മണിക്കൂര്‍ വൈകിയെന്നാണ് പ്രതിപക്ഷ നേതാവ് കണ്ടെത്തിയ പിഴവ്. ജയിലിലിട്ടാല്‍ മാത്രം പോര; ശരിയത്ത് കോടതി നാവറുക്കാന്‍ വിധിക്കണം; ജോസഫ് മാസ്റ്ററുടെ കൈ വെട്ടിയപോലെ. എന്നിട്ടും പോര എന്നു തോന്നിയാല്‍ പരസ്യമായി തൂക്കിലേറ്റുകയോ കല്ലെറിഞ്ഞു കൊല്ലുകയോ ആവാം. നടപ്പാക്കാന്‍ ജിഹാദി സേന റെഡിയായി നില്‍ക്കുകയാണ്. ഇതിനൊക്കെ പുറമെ വിജയന്‍ സഖാവിനെ വിമര്‍ശിച്ചതിനുള്ള ശിക്ഷ സഖാക്കളുടെ വകയുമുണ്ട്. വെട്ട്, കുത്ത്, ബോംബേറ് ഏതു വേണമെന്ന് ലോക്കല്‍ സെക്രട്ടറി മുകളില്‍ നിന്നു കിട്ടുന്ന നിര്‍ദ്ദേശം ഓപ്പറേഷന്‍ ടീമിനെ അറിയിക്കും.

ചില്ലറ അപരാധമാണോ പി.സി. ജോര്‍ജ് ചെയ്തത്. ജനസംഖ്യാപരമായ മതവല്‍ക്കരണത്തെക്കുറിച്ച് പച്ചക്ക് തുറന്നുപറഞ്ഞു. ഇ.എം.എസ് ഭരിക്കുമ്പോള്‍ 14 ശതമാനമായിരുന്ന മുസ്ലിങ്ങള്‍ ഇന്ന് 32 ശതമാനമായി എന്നത് സത്യമാണെങ്കിലും അത് പറയാന്‍ പാടില്ലല്ലോ. ഹിന്ദു ന്യൂനപക്ഷമായി മാറി എന്ന വസ്തുത ജനസമൂഹത്തോട് വിളിച്ചു പറഞ്ഞതും തെറ്റ്! ശബരിമലയില്‍ ചില സ്ത്രീകളെ കയറ്റാന്‍ സര്‍ക്കാര്‍ നടത്തിയ കള്ളക്കളിയെ പരിഹസിച്ചതും കുറ്റകരമായ അപരാധം. നാനാത്വത്തിലെ ഏകത്വത്തില്‍ ഉറച്ചു നില്‍ക്കുന്ന ഹിന്ദുത്വ ഭരണം വന്നാല്‍ നിയമവാഴ്ച ഉറപ്പാകുമെന്ന് അഭിപ്രായപ്പെട്ടത് അക്ഷന്തവ്യമായ അപരാധം. എസ്.ഡി.പി.ഐ.ക്കാര്‍ കൊന്നത് നിരപരാധികളായ ആര്‍.എസ്.എസ്സുകാരെയല്ലേ എന്നു ചോദിച്ചത് അതിലും വലിയ അപരാധം. തലസ്ഥാന നഗരിയില്‍ ഹിന്ദുക്കള്‍ സംഘടിപ്പിച്ച അനന്തപുരി ഹിന്ദു മഹാസമ്മേളന വേദിയില്‍ വെച്ചാണ് ഇതൊക്കെ പറഞ്ഞത് എന്നത് അതിലും ഗുരുതരമായ കുറ്റം. ഇത്രയൊക്കെ ചെയ്തിട്ടും കേവലം മൂന്നു വര്‍ഷം ശിക്ഷ കിട്ടുന്ന വകുപ്പു മാത്രം ചാര്‍ത്തിയാല്‍ പോരല്ലോ. അതല്ലേ മലയാളം ചാനലുകളിലെ പച്ചഗ്രൂപ്പുകാരും പോലീസും ഇടത്-വലത് മുന്നണി കക്ഷികളുമെല്ലാം ചേര്‍ന്ന് ജോര്‍ജിനെതിരെ യുദ്ധം പ്രഖ്യാപിച്ചതും ജിഹാദികള്‍ക്ക് ഇസ്ലാമിക നിയമം നടപ്പാക്കാനുള്ള ധൈര്യം പകരുന്നതും. ഇക്കൂട്ടരെല്ലാം കൂടി കേരളത്തിലെ സാമാന്യ ജനതയെ സത്യം വിശ്വസിക്കരുതെന്നു വിരട്ടി നിര്‍ത്തുകയാണ്. സഭക്കാരും ഹിന്ദുത്വ ആദര്‍ശവാദികളും ആപത് ഘട്ടത്തില്‍ ഒന്നിച്ചു നിന്നാലോ എന്ന ആശങ്കയും അവര്‍ക്കുണ്ട്. അതെല്ലാം കൊണ്ടാണ് ജോര്‍ജിനെ വളഞ്ഞിട്ടാക്രമിക്കാന്‍ അവര്‍ ഒരേ തൂവല്‍പക്ഷികളാവുന്നത്.