വസന്തപഞ്ചമി: സരസ്വതീപൂജയും വിദ്യാരംഭവും ഫെബ്രുവരി 2ന്

കാലടി: നെടുമ്പാശ്ശേരി ആവണംകോട് സരസ്വതീ ക്ഷേത്രത്തില്‍ വസന്തപഞ്ചമിയോടനുബന്ധിച്ച് ഫെബ്രുവരി 2ന് സരസ്വതി പൂജയും വിദ്യാരംഭവും നടക്കും. ശകവര്‍ഷത്തിലെ മാഘമാസത്തിലെ വെളുത്ത പക്ഷത്തിലെ അഞ്ചാം നാള്‍ പഞ്ചമിയാണ് വസന്ത പഞ്ചമിയായി ആഘോഷിക്കുന്നത്. സരസ്വതി ദേവിയുടെ പിറന്നാളായാണ് ഈ ദിവസം അറിയപ്പെടുന്നത്.

വിദ്യാര്‍ത്ഥികളും കലാകാരന്മാരും ഉദ്യോഗാര്‍ത്ഥികളും ക്ഷേത്രദര്‍ശനം നടത്തി സരസ്വതീ പൂജ നടത്തുന്നതിലൂടെ ബുദ്ധിയും സര്‍വ്വൈശ്വര്യങ്ങളും നല്‍കി ദേവി അനുഗ്രഹിക്കും എന്നാണ് വിശ്വാസം. ജഗദ്ഗുരു ശ്രീ ശങ്കരാചാര്യര്‍ വിദ്യാരംഭം കുറിച്ച പുണ്യ പുരാതനമായ ക്ഷേത്രമാണ് നെടുമ്പാശ്ശേരി ആവണംകോട് സരസ്വതി ക്ഷേത്രം.