ഹരിപ്പാട്: ആത്മീയ സിദ്ധാന്തം മനുഷ്യന്റെ ഭൗതിക വികാസത്തിന് കാരണമാകുന്നുവെന്ന് കേരളാ ഹൈക്കോടതി ജഡ്ജി ജസ്റ്റിസ് എന്. നഗരേഷ് പറഞ്ഞു. ഹരിപ്പാട് സബ്ട്രഷറി പൈതൃക ഭണ്ഡാരത്തില് നിറപുത്തരിയുടെ ഭാഗമായി നടന്ന കര്ഷക ആദരണ സഭയില് മുഖ്യപ്രഭാഷണം നടത്തുകയായിരുന്നു അദ്ദേഹം. നമ്മുടെ ദര്ശനങ്ങളും ആരാധനാ രീതികളുമെല്ലാം പരിശോധിച്ചാല് അവയെല്ലാം സമൂഹത്തിന്റെ ഉന്നതിക്ക് വേണ്ടിയുള്ള കാര്യങ്ങളാണെന്ന് മനസ്സിലാകും. നിറപുത്തിരി പോലുള്ള ചടങ്ങ് ഭഗവാന്റെ ഭണ്ഡാരത്തിന് വേണ്ടിയല്ല സമൂഹത്തിന്റെ ഭണ്ഡാരം നിറയ്ക്കാന് വേണ്ടിയാണെന്നും ഇത്തരം ഉദാത്തമായ ദര്ശനങ്ങളും സാംസ്കാരിക പാരമ്പര്യങ്ങളും ചടങ്ങുകളും നമ്മുടെ നാട്ടില് നിലനിന്നു പോകണമെന്നും അദ്ദേഹം കൂട്ടിച്ചേര്ത്തു. പൈതൃകട്രഷറി ഭണ്ഡാരത്തിന്റെ പണി പൂര്ത്തീകരിക്കുവാന് എം.എല്.എ ഫണ്ടില് നിന്നും 8 ലക്ഷം രൂപ കൂടി അനുവദിച്ചതായി ചടങ്ങില് പങ്കെടുത്തുകൊണ്ട് രമേശ് ചെന്നിത്തല പറഞ്ഞു. ഹരിപ്പാട് നഗരസഭാദ്ധ്യക്ഷന് കെ.എം.രാജു അദ്ധ്യക്ഷത വഹിച്ചു.