കണ്ണൂര്: സേവാഭാരതിയെ കൊവിഡ് പ്രതിരോധ പ്രവര്ത്തനങ്ങള്ക്കുള്ള റിലീഫ് ഏജന്സിയായി പ്രഖ്യാപിച്ച നടപടി റദ്ദാക്കി. കണ്ണൂര് ജില്ലാ കളക്ടര് ടി.വി.സുഭാഷാണ് ഇതു സംബന്ധിച്ച് ഉത്തരവിറക്കിയത്. ജില്ലാ പഞ്ചായത്ത് പ്രസിഡന്റിന്റെ നിര്ദ്ദേശത്തിന്റെ അടിസ്ഥാനത്തിലാണ് ഉത്തരവ് റദ്ദാക്കിയത് എന്ന് പ്രസ്താവനയുമുണ്ട്.
കൊവിഡ് പ്രതിരോധ പ്രവര്ത്തനങ്ങളില് കഴിഞ്ഞ ഒരു വര്ഷത്തിലേറെയായി ജില്ലാ ഭരണകൂടത്തിനോടും ആരോഗ്യവകുപ്പിനോടും തദ്ദേശ സ്വയംഭരണ സ്ഥാപനങ്ങളോടും സഹകരിച്ച് പ്രവര്ത്തിച്ച് വരുന്നത് കണക്കിലെടുത്താണ് സേവാഭാരതിയെ പ്രതിരോധ പ്രവര്ത്തനങ്ങള്ക്കുള്ള റിലീഫ് ഏജന്സിയായി പ്രഖ്യാപിച്ചത്. സേവാഭാരതി വോളന്റിയര്മാര്ക്കുള്ള തിരിച്ചറിയല് കാര്ഡ് ബന്ധപ്പെട്ട തദ്ദേശ സ്ഥാപനങ്ങള് അനുവദിക്കുമെന്നും തദ്ദേശ സ്വയംഭരണ സ്ഥാപനങ്ങളുടെയും ആരോഗ്യ വകുപ്പിന്റെയും നിര്ദ്ദേശാനുസരണമാവണം പ്രവര്ത്തിക്കേണ്ടതെന്നും കളക്ടറുടെ ഉത്തരവില് വ്യക്തമാക്കിയിട്ടുണ്ടായിരുന്നു. എന്നാല് സങ്കുചിത രാഷ്ട്രീയ താല്പര്യത്തിന്റെ പുറത്താണ് സേവാഭാരതിക്ക് നല്കിയ അംഗീകാരം റദ്ദാക്കിയിരിക്കുന്നത്.