സപ്തംബര് പതിനൊന്ന് ലക്കം കേസരി ആഴ്ചപ്പതിപ്പില് ടി.സതീശന്, കൊച്ചി എഴുതിയ പ്രണബ് മുഖര്ജിയെക്കുറിച്ചുള്ള ലേഖനം നന്നായിരുന്നു. തന്റെ ചിന്തകളേയും പ്രവൃത്തികളേയും ആര്ക്കും അടിയറവു വെക്കാതെ സധൈര്യം സമൂഹത്തില് നിറഞ്ഞു നിന്നിരുന്ന വ്യക്തിത്വമാണ് മുന് രാഷ്ട്രപതി പ്രണബ് മുഖര്ജിയുടേത്. ആര്.എസ്.എസ്സിനെ അടുത്തറിയാന് അദ്ദേഹം ശ്രമിച്ചു. ആര്.എസ്.എസ്. ഒരിക്കലും തങ്ങളിലൂടെ മാത്രമേ സകല നന്മകളും പുലരാവൂ എന്ന് ചിന്തിക്കാറില്ല. നന്മകള് നടക്കണം എന്നതില് വിട്ടുവീഴ്ചയും ഇല്ല. ഈ പ്രവര്ത്തന രീതി മനസ്സിലാക്കാന് പ്രണബ് ദാ ശ്രമിച്ചു. ഇതില് കോണ്ഗ്രസ്സിന് വിറളി പിടിക്കുന്നതില് അത്ഭുതമില്ല. കാരണം സ്വാര്ത്ഥതയും ന്യൂനപക്ഷ പ്രീണനവും സ്വജന പക്ഷപാതവുമാണല്ലോ കോണ്ഗ്രസ്സിന്റെ പ്രവര്ത്തന രീതി. മതേതര ജനാധിപത്യം അതിന്റെ ശരിയായ അര്ത്ഥത്തില് നടപ്പിലാക്കാന് ശ്രമിക്കുന്ന ആര്.എസ്.എസ്സിനെ തിരിച്ചറിയാനുള്ള പരിശ്രമമാണ് പ്രണബ് ദായില് കണ്ടത് എന്നാണ് ഞാന് വിശ്വസിക്കുന്നത്. ആര്.എസ്.എസ്സിനെ അടുത്ത് അറിഞ്ഞാല് തങ്ങളില് നിന്നും അകലും എന്ന ചിന്തയാണ് കോണ്ഗ്രസ്സിന്റേയും മറ്റുചിലരുടേയും എതിര്പ്പിന് കാരണം.