കോട്ടയം: മള്ളിയൂര് വിനായക ചതുര്ഥി മഹോത്സവത്തില് ജില്ലാ ഭരണകൂടം നടത്തിയ ആചാരലംഘനത്തിനെതിരെ മള്ളിയൂര് മഹാഗണപതി ക്ഷേത്രത്തില് സന്യാസിശ്രേഷ്ഠരുടെ നേതൃത്വത്തില് സര്വ്വവിഘ്ന നിവാരണ നാമജപയജ്ഞം നടത്തി.
മള്ളിയൂര് പരമേശ്വരന് നമ്പൂതിരിയുടെ അദ്ധ്യക്ഷതയില് നടുവില് മഠം അച്യുത ഭാരതി സ്വാമിയാര്, സ്വാമി പ്രജ്ഞാനാനന്ദ തീര്ത്ഥപാദര് (മാര്ഗദര്ശകമണ്ഡല് രക്ഷാധികാരി) എന്നിവര് ചേര്ന്ന് ദീപ പ്രോജ്ജ്വലനം നടത്തി. സ്വാമി സദ്സ്വരൂപാനന്ദ സ്വാമികള് (മാര്ഗദര്ശക മണ്ഡല് ജനറല് സെക്രട്ടറി), സ്വാമി അയ്യപ്പദാസ്, സ്വാമി വിശുദ്ധാനന്ദപുരി, സ്വാമി അഭയദാനന്ദ തീര്ത്ഥപാദര് എന്നിവര് അനുഗ്രഹ പ്രഭാഷണം നടത്തി. ധര്മ്മാചാര്യ സഭ ജനറല് കണ്വീനര് രാജേഷ് നട്ടാശേരി, മള്ളിയൂര് ദിവാകരന് നമ്പൂതിരി എന്നിവര് പ്രസംഗിച്ചു.
നാമജപയജ്ഞത്തിന് ഐക്യദാര്ഢ്യം പ്രഖ്യാപിച്ച് മോന്സ് ജോസഫ് എം.എല്.എ, സുനു ജോര്ജ് (മാഞ്ഞൂര് പഞ്ചായത്ത് പ്രസിഡന്റ്), ഹിന്ദു ഐക്യവേദി സംസ്ഥാന ജനറല് സെക്രട്ടറി ഇ.എസ്.ബിജു, ബി.ജെ.പി സംസ്ഥാന ഉപാദ്ധ്യക്ഷന്മാരായ ജെ.പ്രമീളാദേവി, ജി. രാമന് നായര്, അക്കീരമണ് കാളിദാസന് ഭട്ടതിരിപ്പാട്, സൂര്യകാലടി സൂര്യന് സുബ്രഹ്മണ്യന് ഭട്ടതിരിപ്പാട്, സൂര്യകാലടി സൂര്യന് ജയസൂര്യന് ഭട്ടതിരിപ്പാട്; കെ.എസ്.നാരായണന്, വി. മോഹനന്, പള്ളിക്കല് സുനില്, സുദര്ശനം മഹപ്രസ്ഥാനം അംഗങ്ങള് എന്നിവര് ചടങ്ങില് പങ്കെടുത്തു. മള്ളിയൂരിലെ ചടങ്ങുകള് തടഞ്ഞവര്ക്ക് എതിരെ മള്ളിയൂര് പരമേശ്വരന് നമ്പൂതിരിയുടെ കണ്ണീര് നിറഞ്ഞ വാക്കുകള് ഹൈന്ദവ സമൂഹത്തെ ഒന്നാകെ ദു:ഖിപ്പിച്ചു എന്നും ഇതില് പ്രതിഷേധം ഉയര്ന്നു വരുമെന്നും മള്ളിയൂര് സന്ദര്ശിച്ച കുമ്മനം രാജഖേരന് പറഞ്ഞു.