പരമേശ്വര്‍ജിയുടെ ജീവചരിത്രം ഭാരതീയവിചാരകേന്ദ്രം തയ്യാറാക്കുന്നു

സ്വര്‍ഗ്ഗീയ പരമേശ്വര്‍ജിയുടെ ജീവചരിത്രം തയ്യാറാക്കാനുള്ള ശ്രമത്തിലാണ് ഭാരതീയവിചാരകേന്ദ്രം. ഏഴു പതിറ്റാണ്ടിലധികം നീണ്ടുനിന്നതും അതുകൊണ്ടു തന്നെ നിരവധി തലമുറകളുമായി ബന്ധപ്പെട്ടുനിന്നതുമാണ് പരമേശ്വര്‍ജിയുടെ പൊതുജീവിതം. ആ ജീവിതം സമഗ്രമായി പകര്‍ത്തുക ശ്രമകരമായ കാര്യമാണ്. എന്നിരുന്നാലും ബന്ധപ്പെട്ട എല്ലാവരുടെയും സഹകരണത്തോടെ ആ ജോലി നിര്‍വ്വഹിക്കാനാവും എന്നു തന്നെയാണ് പ്രതീക്ഷ.

അഭ്യര്‍ത്ഥന

പരമേശ്വര്‍ജിയുടെ ജീവിതവും കര്‍മ്മമണ്ഡലങ്ങളുമായും ബന്ധപ്പെട്ട എന്തെങ്കിലും രേഖകള്‍ (പ്രസംഗങ്ങള്‍, ലേഖനങ്ങള്‍, കത്തുകള്‍, സ്വകാര്യമായ ഡയറികുറിപ്പുകള്‍, പത്രലേഖനങ്ങള്‍, വാര്‍ത്തകള്‍, ശബ്ദരേഖകള്‍, ഫോട്ടോകള്‍ എന്നു തുടങ്ങി പ്രസക്തമായ രേഖകള്‍) കൈവശമുള്ളവര്‍ അവ അയച്ചുതന്ന് സഹായിക്കണമെന്ന് അഭ്യര്‍ത്ഥിക്കുന്നു. നിശ്ചിത ആവശ്യം കഴിഞ്ഞാല്‍ കൈപ്പറ്റുന്ന രേഖകള്‍ അതുപോലെ മടക്കി നല്‍കാന്‍ വേണ്ട ഏര്‍പ്പാടുകള്‍ ചെയ്യുന്നതാണ്.

എല്ലാവരുടേയും അകമഴിഞ്ഞ സഹായസഹകരണങ്ങള്‍ പ്രതീക്ഷിക്കുന്നു.

കെ.സി. സുധീര്‍ ബാബു
ജനറല്‍ സെക്രട്ടറി
ഭാരതീയവിചാരകേന്ദ്രം
സംസ്‌കൃതിഭവന്‍, ജി.പി.ഒ. ലയിന്‍
തിരുവനന്തപുരം – 695 001
ഫോണ്‍ 9847840719,
9846996861 (വി.മഹേഷ്)