‘ദേശീയ മുസ്ലീം പ്രതികരിക്കേണ്ട സമയം’ എന്ന കേസരി മുഖപ്രസംഗം (കേസരി സപ്തം. 25 ലക്കം) വളരെയേറെ പ്രസക്തമായതാണ്. ഖുറാനെ മറപിടിച്ചുകൊണ്ട് സ്വര്ണ്ണം കള്ളക്കടത്തിലൂടെ രാജ്യദ്രോഹ പ്രവര്ത്തനം എതിര്ക്കേണ്ടത് ഇവിടുത്തെ മുസ്ലീം സമുദായം തന്നെയാണ്. ഖുറാന് കടത്തുന്നത് കുറ്റമാണോ എന്നാണ് ചില ഉന്നതന്മാര് ചോദിക്കുന്നത്. ശരിയാണ്, ഖുറാന് പ്രചരിപ്പിക്കുന്നത് കുറ്റമല്ല. പക്ഷെ അത് കൊണ്ടുപോകുന്നതും പ്രചരിപ്പിക്കുന്നതും ശരിയായ വഴിയിലൂടെയായിരിക്കണം. ഖുറാന് വിശുദ്ധഗ്രന്ഥമാണ് എന്ന് വിശ്വസിക്കുമ്പോള് അതിന്റെ വിതരണവും പ്രചരണവും സത്യമായ വഴിയിലൂടെ തന്നെയാകണം. മതപ്രവര്ത്തനം നടത്തേണ്ടത് സാധാരണക്കാരന്റെ നികുതി പണം സ്വരൂപിച്ച് പ്രവര്ത്തിക്കുന്ന സര്ക്കാരോ സര്ക്കാരില് നിന്ന് ശമ്പളവും ആനുകൂല്യവും പറ്റി ജീവിക്കുന്ന മന്ത്രിമാരോ ഉദ്യോഗസ്ഥരോ ആകരുത്. മതനിരപേക്ഷ സര്ക്കാര് എന്ന് കൊട്ടിഘോഷിക്കുന്ന ഒരു സര്ക്കാരിലെ മന്ത്രി ചെയ്യേണ്ടതല്ല ഖുറാന് പ്രചരണം. ഖുറാന് പ്രചരിപ്പിക്കാന് ഇവിടെ ആളില്ലാത്ത അവസ്ഥയില്ല എന്നിരിക്കെ മറ്റു പല കാര്യങ്ങളും ചെയ്യാന് കടപ്പെട്ട മന്ത്രി അവിശുദ്ധമായ രീതിയില് ഖുറാന് കടത്തിയത് തെറ്റു തന്നെയാണ്! വിശുദ്ധ ഖുറാനെ വോട്ടുനേടാനുള്ള ആയുധമായി ഉപയോഗിക്കുന്നത് ഖുറാനോടുള്ള നിന്ദയാണ്. അങ്ങിനെ ഖുറാനെ മറയാക്കി തെറ്റു ചെയ്തവര് സമുദായത്തോട് മാപ്പ് പറയുകയാണ് വേണ്ടത്.